મોડાસા, તા.30 : ભીલોડાના માંકરોડા
ગામે શ્રી આશાપુરા સોસાયટીમાં રહેતો અને ભીલોડાની પ્રેરણા વિદ્યાલયમાં ધોરણ-1રમાં અભ્યાસ
કરતો દીપકસિંહ જગદીશસિંહ ગુનાવત નામનો વિદ્યાર્થી લાપતા બની જતા પરિવારે શોધખોળ શરૂ
કરી હતી. દરમિયાન ગુમ થયેલા દીપકસિંહની જૂના ભવનાથ ઈન્દ્રાસી જલાગારમાંથી લાશ મળી આવી
હતી. આ બનાવના પગલે મૃતકના પરિવારજનો તેમજ વિદ્યાર્થીઓ અને પોલીસ સ્ટાફ દોડી ગયો હતો
અને મૃતદેહ બહાર કાઢી પીએમ અર્થે હોસ્પિટલમાં ખસેડયો હતો. આ બનાવ અંગે મૃતકના પરિવારજનો
અને વિદ્યાર્થીઓ દ્વારા એવા આક્ષેપ કરવામાં આવ્યા હતા કે કે.ડી.ભુધરા નામના શિક્ષકના
ત્રાસ અને હેરાનગતિથી કંટાળી જઈ સગીર વિદ્યાર્થી દીપકસિંહે આપઘાત કરી લીધો હતો.
આ અંગે શિક્ષક સામે ગુનો નોંધવા માટેથી પ00થી વધુ
વિદ્યાર્થીઓ દ્વારા રેલી કાઢવામાં આવી હતી અને શિક્ષક વિરુદ્ધ સૂત્રોચ્ચાર કરી પોલીસ
મથકે ઘેરાવ કર્યો હતો. આ અંગે પોલીસે વધુ તપાસ હાથ ધરી હતી.
