ગોલ્ડમેન સૈક્સનું અનુમાન : અમેરિકા-ચીન ટેરિફ યુદ્ધ અને મંદીના કારણે શક્યતા
નવી દિલ્હી, તા. 14 : અમેરિકા-ચીનના
વેપાર યુદ્ધ અને મંદીની આશંકાઓના કારણે આ વર્ષે સોનું આંતરરાષ્ટ્રીય બજારમાં 4500 ડોલર
પ્રતિ ઔંશ સુધી પહોંચી શકે છે. આંતરરાષ્ટ્રીય ભરસ મુજબ ગણતરી કરતાં ભારતમાં પીળી ધાતુના
ભાવ પ્રતિ 10 ગ્રામ 1.30 લાખ રૂપિયા સુધી ગઇ શકે છે.
વિદેશી રોકાણ બેંક ગોલ્ડમેન સૈક્સ
દ્વારા આવું અનુમાન અપાયું છે. જો કે, વેપાર યુદ્ધ વધુ વકરે કે મંદીના જોખમો વધી જાય
તો જ આવું થશે.
અમેરિકાની ટેરિફ નીતિથી વેપાર
યુદ્ધના વધતા જોખમથી અર્થવ્યવસ્થાની ગતિ ધીમી પડી શકે છે. વૈશ્વિક મંદીની આશંકા પણ
વધી ગઇ છે.
આમ, વર્તમાન સ્થિતિ ધ્યાનમાં
રાખીને લોકો સોનામાં રોકાણ વધારી રહ્યા છે. મંદીના સમયમાં સુવર્ણમાં રોકાણને સુરક્ષિત
મનાય છે.
વધુમાં, ડોલર સામે રૂપિયો નબળો
પડવાથી પણ સોનાની કિંમતોમાં તેજી આવી છે. રૂપિયો કમજોર પડે ત્યારે આયાત વધુ મોંઘી બની
જાય છે.
આ વખતે રૂપિયામાં લગભગ ચાર ટકાનો ઘટાડો આવ્યો છે, જેના કારણે સોનાની કિંમતો પર દબાણ વધુ થઇ ગયું છે. લગ્નની મોસમ આવી રહી હોવાથી સોનાના ઘરેણાંની માંગ પણ વધી રહી છે. અત્યારે પણ ઊંચી કિંમતો છતાં સુરક્ષિત રોકાણ મનાતા સોનાના વેચાણમાં તેજી જોવા મળી રહી છે.
