બુલેવાયો
તા.28: મીડલ ઓર્ડર બેટર કામરાન ગુલામની આક્રમક સદીની મદદથી ઝિમ્બાબ્વે વિરૂધ્ધના ત્રીજા
અને આખરી વન ડેમાં પાકિસ્તાનનો 99 રને વિજય થયો છે. 3 મેચની શ્રેણી પાકિસ્તાને 2-1થી
કબજે કરી છે. પાકિસ્તાનના 6 વિકેટે 303 રનના જવાબમાં ઝિમ્બાબ્વે ટીમ 40.1 ઓવરમાં
204 રને ઓલઆઉટ થઇ હતી. કામરાન ગુલામે 99 દડામાં 10 ચોકકા અને 4 છકકાથી આક્રમક 103 રન
કર્યાં હતા. આ સિવાય શફીક અબ્દુલ્લાહે પ0, કપ્તાન મોહમ્મદ રિઝવાને 37 અને સઇમ અયૂબે
31 રનની ઇનિંગ રમી હતી. ઝિમ્બાબ્વે તરફથી સિકંદર રઝા અને રિચર્ડ એન્ગરવાએ 2-2 વિકેટ
લીધી હતી. 304 રનના વિજય લક્ષ્યનો પીછો કરતા ઝિમ્બાબ્વે ટીમ 204 રન જ કરી શકી હતી.
કેપ્ટન ક્રેગ ઇર્વિને પ7 અને બ્રાયન બેનેટે 37 રન કર્યાં હતા. પાક. તરફથી સઇમ, અબરાર,
રઉફ અને આમેર જમાલે 2-2 વિકેટ ઝડપી હતી. શ્રેણીના પહેલા મેચમાં ઝિમ્બાબ્વેનો વિજય થયો
હતો. બાદમાં પાકિસ્તાને વાપસી કરીને બાકીના બે મેચ જીતી શ્રેણી 3-1થી કબજે કરી હતી.
