નવી દિલ્હી તા.18: ભારતનો ટોચનો એથ્લેટ નિરજ ચોપરા પેરિસ ડાયમંડ લીગની શાનદાર જીત પછી હવે લંડન ડાયમંડ લીગમાં ધૂમ મચાવવા તૈયાર છે. આ એથ્લેટ મીટમાં નિરજની ટકકર દુનિયાના ટોચના ભાલા ફેંક ખેલાડીઓ સામે થશે. જેમાં જર્મનીનો જુલિયન વેબર, ગ્રેનેડાનો એન્ડરસન પીટર્સ, કેન્યાનો જૂલિયસ યેગો અને અન્ય સામેલ છે. આ સીઝનમાં નિરજ ચોપરા દોહા ડાયમંડ લીગમાં 90.23 મીટરનો થ્રો કરી ચૂકયો છે. જેની તેની કેરિયરનો બેસ્ટ થ્રો છે. જો કે આ પછી તે ઘરઆંગણે બેંગ્લુરુમાં પણ 90 મીટરની બાધા પાર કરી શકયો ન હતો. લંડન ડાયમંડ લીગ તા. 19 જુલાઇએ રમાશે. ભારતીય સમય અનુસાર જે લગભગ રાત્રે 1-00 વાગ્યા પછી શરૂ થશે. જેનું જીવંત પ્રસારણ યૂ-ટયૂબ ચેનલ પરથી થશે.
