-લાહોર ટેસ્ટના બીજા દિવસના અંતે આફ્રિકા 162 રનથી પાછળ
લાહોર
તા.13: રાયન રિકલટનના 71 અને ટોની ડીજોર્જીના અણનમ 81 રનની મદદથી પાકિસ્તાન સામેના
પ્રથમ ટેસ્ટમાં દ. આફ્રિકાના 6 વિકેટે 216 રન થયા છે. આ પહેલા આજે પાકિસ્તાનનો પહેલો
દાવ 378 રને સમાપ્ત થયો હતો. બીજા દિવસની રમતના અંતે આફ્રિકા હજુ 162 રન પાછળ છે અને
4 વિકેટ બચી છે.
આફ્રિકા
તરફથી પહેલા દાવમાં રેયાન રિકલટને 137 દડામાં 9 ચોક્કા અને 2 છક્કાથી 71 રનની ઈનિંગ
રમી હતી. તેના અને ટોની વચ્ચે ત્રીજી વિકેટમાં 94 રનની ભાગીદારી થઇ હતી. ટોની ડીજોર્જી
140 દડામાં 9 ચોક્કા અને 1 છક્કાથી 81 રને અણનમ રહ્યો હતો. કપ્તાન એડન માર્કરમ 20,
વિયાન મુલ્ડર 17, ટ્રિસ્ટન સ્ટબ્સ 8 અને ડેવાલ્ડ બ્રેવિસ ગોલ્ડન ડક થયો હતો. પાક. સ્પિનર
નોમાન અલીને 4 વિકેટ મળી હતી.
આ પહેલા
આજે પાકિસ્તાન ટીમ 110.4 ઓવરમાં 378 રને ઓલઆઉટ થઇ હતી. મોહમ્મદ રિઝવાન 7પ રને આઉટ થયો
હતો. જયારે સલમાન આગા 7 રને સદી ચૂકી ગયો હતો. તેણે 14પ દડામાં પ ચોક્કા-3 છક્કાથી
93 રન બનાવ્યા હતા. આ બન્ને વચ્ચે છઠ્ઠી વિકેટમાં 163 રનની ભાગીદારી થઇ હતી. આફ્રિકા
તરફથી નવોદિત સ્પિનર સેનુરન મુથુસામીએ 117 રનમાં 6 વિકેટ લીધી હતી.
