એથેંસ, તા.9: સર્બિયાના દિગ્ગજ ટેનિસ ખેલાડી નોવાક જોકોવિચે ઇટાલીના લોરેંજો મુસેટીને ત્રણ કલાકના રોમાંચક ફાઇનલ મુકાબલમાં 4-6, 6-3 અને 7-પને હાર આપીને હેલૈનિક ચેમ્પિયનશિપનો ખિતાબ પોતાના નામે કર્યોં હતો. જોકોવિચની કેરિયરનો આ 101મો ખિતાબ છે.
તેણે
હાર્ડ કોર્ટ પર 72મું ટાઇટલ જીત્યું છે. આ સાથે જ જોકોવિચે મહાન રોઝર ફેડરરને પાછળ
રાખી દીધો છે. જો કે આ રેકોર્ડબ્રેક જીત બાદ જોકોવિચે જાહેર કર્યું હતું કે ઇજાને લીધે
તે આગામી એટીપી ફાઇનલ્સ ટૂર્નામેન્ટનો હિસ્સો બની શકશે નહીં. જોકોવિચ 2024માં પણ આ
પ્રતિષ્ઠિત ટૂર્નામેન્ટ ઇજાને લીધે ગુમાવી ચૂક્યો છે.
હેલૈનિક
ઓપનમાં ચેમ્પિયન બની 38 વર્ષીય નોવાક જોકોવિચે ફરી એકવાર સાબિત કર્યું છે કે ઉંમર તેના
માટે ફક્ત એક આંકડો છે.
