કમલમમાં
મલમમાં પ્રદેશ ભાજપ સંગઠનની મહત્ત્વની બેઠક યોજાઈ: શહેર-જિલ્લા ભાજપ પ્રમુખોની નિયુક્તિ
મુદ્દે ચર્ચા
અમદાવાદ,
તા.28 : ગુજરાત ભાજપના સંગઠનની નવરચનાને લઈને પ્રદેશ પ્રમુખ અને કેન્દ્રીય મંત્રી સી
આર પાટીલની અધ્યક્ષતામાં તેમજ રાષ્ટ્રીય મહામંત્રી ડૉ. રાધા મોહન દાસ અગ્રવાલજીની વિશેષ
ઉપસ્થિતિમાં પ્રદેશ કાર્યાલય કમલમ ખાતે આજે મહત્ત્વની બેઠક મળી હતી. જેમાં અનેક ચર્ચાતા
મુદ્દે મડાગાંઠ ઉકેલાઈ હતી અને મહત્ત્વના નિર્ણયો લેવામાં આવ્યા હતા.
ખાસ
કરીને ભાજપના મંડળ પ્રમુખ માટે 45 વર્ષની વયમર્યાદાનો ગૂંચવાયેલા મામલા અંગે ચર્ચા
થઈ હતી. જેમાં વયમર્યાદાને લઈને થયેલા વિવાદ પર પ્રદેશ સંગઠન મહામંત્રી રત્નાકરે સૂચના
આપી કે, 45 વર્ષની ઉંમર એ પ્રાથમિક બાબત હતી, તેને કેન્દ્રીય મુદ્દો ન બનાવવો. સક્રિય
સભ્ય બાબતે વ્યવહારુ રહેવા માટે સૂચના આપી. સાથે જ પાર્ટીનો સભ્ય હોય અને કામ કરતા
હોય તેને પ્રાથમિકતા આપવા માટે બેઠકમાં સૂચના અપાઈ.
આ બેઠકમાં
ભાજપના શહેર અને જિલ્લા પ્રમુખોની નિયુક્તિ અંગે ચર્ચા પણ કરાઈ હતી. પ્રદેશ પ્રમુખ
ઉપરાંત સાંસદ, મંત્રીઓ, ધારાસભ્યો, વર્તમાન જિલ્લા પ્રમુખો અને મહામંત્રીઓ પણ ઉપસ્થિત
રહ્યા હતા. ભાજપના 580 મંડળમાંથી 512 મંડળના પ્રમુખ નિમાઈ ચૂક્યા છે.
હવે
મંડળ પ્રમુખ બાદ હવે શહેર અને જિલ્લા પ્રમુખો જાહેર કરવામાં આવશે. પ્રદેશ ભાજપના મુખ્ય
ચૂંટણી અધિકારી ઉદય કાનગડે જણાવ્યું કે, આજની બેઠકમાં પ્રદેશ પ્રમુખ તરફથી માર્ગદર્શન
મળ્યું હતું. નવા પ્રમુખોની ઉંમર 60થી વધુ ન હોવી જોઈએ એ નક્કી કરાયું છે. હવે રાષ્ટ્રીય
કાર્યાલયે આવતીકાલે બેઠક મળશે, એમાં જરૂરી માર્ગદર્શન આપવામાં આવશે.
આજની
બેઠકમાં પ્રદેશ સંગઠન મહામંત્રી રત્નાકર ઉપરાંત પ્રદેશ મહામંત્રી રજની પટેલ, પ્રદેશ
ઉપાધ્યક્ષો, સાંસદો,રાજ્ય સરકારના મંત્રીઓ, ધારાસભ્યો, ચૂંટણી અધિકારીઓ તેમજ પ્રદેશના
પદાધિકારીઓ ઉપસ્થિત રહ્યા હતા.
