બે
વર્ષ પહેલા વૃદ્ધે જેની ફરિયાદ કરી’તી તે શખસ દ્વારા ફરી હેરાનગતિ
પોરબંદર,
તા.30: પોરબંદર નજીકના ફટાણા ગામના નામચીન ઇસમ સામે બે વર્ષ પહેલા ફરિયાદ કરવામાં આવી
હતી અને તેને પાસામાં પૂરી દેવામાં આવ્યો હતો. દરમિયાન પાસામાંથી છૂટીને ગામમાં આવ્યા
બાદ અગાઉ જેણે તેની સામે ફરિયાદ કરી હતી તેને ફરીથી એટ્રોસિટીના કેસમાં ફીટ કરવાની
ધમકી આપતા વધુ એક ગુનો દાખલ થયો છે.
ફટાણા
ગામે રહેતા અને શ્રીકૃષ્ણ પ્રોવિઝન સ્ટોર નામની દુકાન ચલાવતા નાગાભાઇ ખીમાભાઇ ઓડેદરા
નામના 67 વર્ષના વૃદ્ધે બે વર્ષ પહેલા તેમના ગામના મહેશ રામા બથવાર વિરૂધ્ધ ખંડણીની
ફરિયાદ કરી હતી આ કોર્ટ કેસમાં ચાલુ છે અને આ મહેશ સામે ગુનાઓ વધી જતા તેને પાસાના
પિંજરે પૂરી દેવામાં આવ્યો હતો અને ચાર-પાંચ દિવસ પહેલાં છૂટી જતા મહેશ ફરી ફટાણા ગામે
આવ્યો હતો. ગામમાં આવ્યા બાદને નાગાભાઇને મળ્યો
હતો અને તમારે સારી રીતે દુકાન ચલાવી હોય તો મને રોજ મને એક હજાર રૂપિયા આપવા પડશે
જો તમે રૂપિયા નહીં આપો તો હું તમારી દુકાન બંધ કરાવી દઇશ અને મારી જાતે શરીરે બ્લેડ
મારીને દવાખાને દાખલ થઇ જઇશ અને તમારી વિરુદ્ધ ગંભીર ગુનાની તથા એટ્રોસિટી મુજબની ફરિયાદ
દાખલ કરીશ તમારા દીકરો પુંજો લંડનથી આવશે ત્યારે તેને હું મારી નાખીશ તે પ્રકારની ધમકી
આપી હતી. જેથી વૃદ્ધે બગવદર પોલીસ મથક ખાતે આવીને ફરિયાદીએ મહેશ રામા બથવાર વિરુદ્ધ
ગુનો દાખલ કર્યો છે જેમાં એક વખત 500 અને બીજી વખત 1000 રૂપિયા પડાવ્યા હોવાથી અને
ખોટી ફરિયાદમાં ફીટ કરવાની ધમકી આપી હોવાનું કહ્યું છે.
