ગુવાહાટી
તા.30: ચેન્નાઇ સુપર કિંગ્સ વિરૂધ્ધ વનડાઉન
બેટર નીતિશ રાણાના વિસ્ફોટક 81 રન છતાં રાજસ્થાન રોયલ્સ ટીમ 20 ઓવરના અંતે 9 વિકેટે
182 રને હાંફી ગઇ હતી. આખરી 10 ઓવરમાં રાજસ્થાનની રન રફતાર અંકુશ મુકવામાં સીએસકેના
બોલર્સ સફળ રહ્યા હતા. 10થી 20 ઓવર દરમિયાન રાજસ્થાનના 83 રન થયા હતા આ દરમિયાન 7 વિકેટ
ગુમાવી હતી. નીતિશ રાણાએ ફોર્મમાં વાપસી કરીને વિસ્ફોટક બેટિંગ કરી હતી. તેણે ફકત
36 દડામાં 10 ચોક્કા અને પ છક્કાથી ધૂંઆધાર 81 રન કર્યાં હતા. તે અશ્વિનના દડામાં ધોનીના
હાથે સ્ટમ્પ આઉટ થયો હતો. અન્ય રાજસ્થાની બેટધર મોટી ઇનિંગ રમી શકયા ન હતા. રાણા અને
કેપ્ટન રિયાન પરાગ વચ્ચે બીજી વિકેટમાં 42 દડામાં 82 રનની ઝડપી ભાગીદારી થઇ હતી. પરાગે
28 દડામાં 2 ચોક્કા-2 છક્કાથી 37 રન કર્યાં હતા. આથી રાજસ્થાનના 20 ઓવરમાં 9 વિકેટે
182 રન બન્યા હતા.
રાજસ્થાનના બન્ને ઓપનર સંજૂ સેમસન (20) અને યશસ્વી
જયસ્વાલ (4) નિષ્ફળ રહ્યા હતા. ધ્રુવ જુરેલ 4, શિમરોન હેટમાયર 19, જોફ્રા આર્ચર 0,
કુમાર કાર્તિકેય 1 રને આઉટ થયા હતા. સીએસકે તરફથી ખલિલ અહમદ, નૂર અહમદ અને પથિરાનાએ
2-2 વિકેટ લીધી હતી.
