શુભમન ગિલ બ્રિગેડની નજર શ્રેણી કબજે કરવા પર: વિન્ડીઝ માટે ‘કરો યા મરો’નો જંગ
નવી
દિલ્હી, તા.29: ભારત અને વેસ્ટ ઈન્ડિઝ વચ્ચે ત્રણ મેચોની વન-ડે શ્રેણીનો બીજો મુકાબલો
તા.30 ને બુધવારે ગુવાહાટીના બારસાપારા સ્ટેડિયમ ખાતે રમાશે. ડે-નાઇટ ફોર્મેટમાં રમાનારી
આ મેચમાં ભારતીય ટીમ શ્રેણીમાં 2-0ની સરસાઈ મેળવીને ટ્રોફી પોતાને નામ કરવાના ઇરાદા
સાથે મેદાનમાં ઉતરશે. બીજી તરફ, કેરેબિયન ટીમ માટે શ્રેણી જીવંત રાખવા ખાતર આ મુકાબલો
’કરો યા મરો’ સમાન બની રહેશે.
શ્રેણીની
પ્રથમ વન-ડે તિરુવનંતપુરમ ખાતે રમાઈ હતી. જ્યાં ટીમ ઈન્ડિયાએ 8 વિકેટે વિજય મેળવ્યો
હતો. પ્રથમ વન-ડેમાં ટોસ હારીને પ્રથમ બાટિંગ કરતા વેસ્ટ ઈન્ડિઝે નિયત 50 ઓવરમાં %
વિકેટના નુકસાને 295 રનનો મજબૂત સ્કોર બનાવ્યો હતો. જોકે, ભારતીય બાટિંગ લાઇન-અપ સામે
આ વિશાળ સ્કોર પણ વામણો સાબિત થયો હતો. ભારતે માત્ર 41.4 ઓવરમાં 2 વિકેટ ગુમાવીને
300 રન બનાવી લીધા હતા અને આસાનીથી લક્ષ્યાંક સર કર્યો હતો. ભારત તરફથી કેપ્ટન શુભમન
ગિલ અને અનુભવી બેટર વિરાટ કોહલીએ અદભુત સદીઓ ફટકારીને જીત પક્કી કરી હતી.
બુધવારની
મેચમાં ચાહકોને પોતાના બે સૌથી મોટા સુપરસ્ટાર્સ-રોહિત શર્મા અને વિરાટ કોહલી-પાસેથી
ફરી એકવાર યાદગાર પ્રદર્શનની ભારે આશા છે. આ બંને અનુભવી બેટર્સ હાલ પોતાની કારકિર્દીના
એવા મુકામ પર છે જ્યાં દરેક ઇનિંગ્સ સાથે કોઈને કોઈ નવો રેકોર્ડ તેમના નામે નોંધાતો
હોય છે. ગુવાહાટીના બારસાપારા ક્રિકેટ સ્ટેડિયમમાં ભારતીય ટીમનો વન-ડે ટ્રેક રેકોર્ડ
100 ટકા રહ્યો છે. ટીમ ઈન્ડિયાએ આ મેદાન પર અત્યાર સુધી રમાયેલી બંને વન-ડે આંતરરાષ્ટ્રીય
મેચોમાં વિજય મેળવીને પોતાનો દબદબો જાળવી રાખ્યો છે. વર્ષ 2018માં ભારતે વેસ્ટ ઈન્ડિઝ
સામે રમાયેલા મુકાબલામાં 8 વિકેટે શાનદાર જીત નોંધાવી હતી. ત્યારબાદ વર્ષ 2023માં શ્રીલંકા
સામે રમાયેલી મેચમાં ભારતીય ટીમે 6% રનથી દમદાર વિજય મેળવ્યો હતો.
