1549
સાયબર ગુનામાં 804 કરોડનું ફ્રોડ
અમદાવાદ,
તા. 3: ગુજરાતમાં સાયબર ક્રાઇમની વધતી જતી ઘટનાઓ વચ્ચે ગુજરાત સાયબર સેન્ટર ઓફ એક્સીલન્સે
એક મોટી સફળતા મેળવી છે. દુબઈ ખાતેથી ઇન્ટરનેટના માધ્યમથી આચરવામાં આવેલા અને દેશભરના
નાગરિકો સાથે સંકળાયેલા આશરે રૂપિયા 804 કરોડના 1549 સાયબર ગુનાઓના આંતરરાજ્ય કૌભાંડનો
પર્દાફાશ કરવામાં આવ્યો હતો, જેમાં તાજેતરમાં વધુ 6 શખસ સહિત અત્યાર સુધીમાં કુલ 16ની ધરપકડ કરવામાં આવી
છે.
સાયબર
સેલની તપાસમાં સામે આવ્યું છે કે આ ગુનાહિત કાવતરામાં સંડોવાયેલા શખસ છેલ્લા એક વર્ષથી સક્રિય હતા. આર્થિક રીતે સદ્ધર
થવાના ઇરાદે, તેઓ પોતાની ઓળખ છતી ન થાય તે માટે ભારતના વિવિધ રાજ્યોના લોકોને લોભ-લાલચ
આપીને મોટી સંખ્યામાં નવા બેંક એકાઉન્ટ્સ ખોલાવતા હતા. આ એકાઉન્ટની કિટ્સ અને તેમાં
રજિસ્ટર્ડ સીમકાર્ડ્સ મેળવીને સૂત્રધાર આમીર અલ્તાફ હાલાણીને દુબઇ ખાતે મોકલી આપતા
હતા.
આમીર
હાલાણી અને તેના સાગરીતો ઇન્ટરનેટનો ઉપયોગ કરીને દેશના જુદા-જુદા ભાગોમાં ડિજીટલ એરેસ્ટ,
ઇન્વેસ્ટમેન્ટ ફ્રોડ, પાર્ટ-ટાઇમ જોબ ફ્રોડ સહિત અનેક મોડસ ઓપરેન્ડી દ્વારા લોકોને
ઠગતા હતા. છેતરાપિંડીથી મેળવેલા નાણાં ભાડૂતી બેંક એકાઉન્ટ્સમાં જમા થતા હતા અને ત્યારબાદ
તેને અન્ય ખાતાઓમાં ટ્રાન્સફર કરીને અથવા રોકડમાં વિડ્રો કરીને સગેવગે કરવામાં આવતા
હતા.
તાજેતરમાં
ઝડપાયેલા 6 શખસમાં સાઝેબ ખેરાણી, સોહિલ વઢવાણિયા અને અમીનભાઇ ભાયાણીએ નાણાં સગેવગે
કરવામાં મહત્ત્વની ભૂમિકા ભજવી હતી. તેમણે
આશરે રૂપિયા 20 કરોડથી વધુની કિંમતનો 200થી વધુ ટ્રક ભંગારનો માલ મોકલ્યો હોવાનો દેખાડો
કર્યો હતો.
270
બેંક ખાતા અને 300 સીમકાર્ડનો ઉપયોગ
આ રેકેટમાં
અન્ય બેમાં કમલેશ સેન અને સાગર સેન, કમિશનના બદલામાં આમીર હાલાણીને કુલ 270 જેટલા બેંક
ખાતાઓ અને 300 જેટલા સીમકાર્ડ્સ પહોંચાડયા હતા. આ કામગીરી માટે તેઓ સીમ કાર્ડ દીઠ રૂપિયા
1000 અને બેંક કિટ દીઠ 50,000નું કમિશન મેળવ્યું હતું. છઠ્ઠો શખસ રાહુલકુમાર અગ્રવાલ પેમેન્ટ પ્રોસેસર
તરીકે ભૂમિકા ભજવતો હતો. પોલીસે તમામ પાસેથી કુલ 6 નંગ મોબાઇલ ફોન કબજે કર્યા છે.
