કિવિઝ સામે 209 રનનો વિજય લક્ષ્યાંક 15.2 ઓવરમાં 3 વિકેટ ગુમાવી હાંસલ કર્યે: ભારત 2-0થી આગળ
રાયપુર
તા.23: કપ્તાન સૂર્યકુમાર યાદવની 14 મહિના અને 23 ઇનિંગ પછીની વિસ્ફોટક અર્ધસદીની સાથોસાથ
ઇશાન કિશનની પણ આક્રમક અર્ધસદીની મદદથી ન્યુઝીલેન્ડ સામેના બીજા ટી-20 મેચમાં ભારતનો
7 વિકેટે ધસમસતો વિજય થયો હતો. ભારતે 209 રનનો વિજય લક્ષ્યાંક 1પ.2 દડામાં જ હાંસલ
કરીને 28 દડા બાકી રાખી જીત મેળવી હતી અને પ મેચની શ્રેણીમાં 2-0થી આગળ થયું હતું.
ભારતે 3 વિકેટે 209 રન કરીને રન ચેઝના તેના જૂના રેકોર્ડની બરાબરી કરી હતી. ભારતીય
ટીમે અગાઉ 2023માં ઓસ્ટ્રેલિયા સામે અને 2019માં વેસ્ટ ઇન્ડિઝ વિરૂધ્ધ 209 રનનો ટાર્ગેટ
ચેઝ કરી જીત મેળવી હતી. શ્રેણીનો ત્રીજો મેચ રવિવારે ગુવાહાટીમાં રમાશે.
સૂર્યકુમાર
કેપ્ટન ઈનિંગ રમી 37 દડામાં 9 ચોક્કા અને 4 છક્કાથી 82 રને નોટઆઉટ રહ્યો હતો. તેના
360 ડિગ્રી બેટિંગ પરનું ગ્રહણ આજે દૂર થયું હતું અને 23 ઇનિંગ પછી આ ફોર્મેટમાં પ0
પ્લસ સ્કોર બનાવ્યો હતો. જયારે વાપસી કરનાર ઇશાન કિશને 6 રનમાં 2 વિકેટ પડી ગયા બાદ
દબાણ મુકત રહી વિદ્યૃતવેગી બેટિંગ કરીને 32 દડામાં 11 ચોક્કા અને 4 છક્કાથી 76 રનની
અદભૂત ઇનિંગ રમી હતી. તેના અને સૂર્યા વચ્ચે ત્રીજી વિકેટમાં ફકત 49 દડામાં 122 રનની
ધસમસતી ભાગીદારી થઇ હતી. જયારે સૂર્યા અને શિવમ વચ્ચે ચોથી વિકેટની અતૂટ ભાગીદારીમાં
37 દડામાં 81 રનનો ઉમેરો થયો હતો. આ કિશન-સૂર્યા-શિવમના પાવર હિટિંગ દરમિયાન તમામ કિવિ
બોલરની ભારે ધોલાઇ થઇ હતી. શિવમ દૂબે 18 દડામાં 1 ચોક્કા-3 છક્કાથી 36 રને નોટઆઉટ રહ્યો
હતો. આથી ભારતે 1પ.2 ઓવરમાં જ 3 વિકેટે 209 રન કરી 7 વિકેટે જીત મેળવી હતી. સેમસન
6 અને અભિષેક ગોલ્ડન ડક થયો હતો.
અગાઉ
ભારતીય કપ્તાન સૂર્યકુમારે ટોસ જીતી બોલિંગ પસંદ કરી હતી. ન્યુઝીલેન્ડે સમયાંતરે પડતી
વિકેટ વચ્ચે રન ગતિ ચાલુ રાખી 20 ઓવરમાં 6 વિકેટે 208 રનનો મજબૂત સ્કોર નોંધાવ્યો હતો.
પહેલી વિકેટમાં 20 દડામાં 43 રનની ઝડપી ભાગીદારી કરી હતી. જો કે આ પછી બન્ને કિવિઝ
ઓપનર ડવેન કોન્વે (19) અને ટિમ સિફર્ટ (24) આઉટ થયા હતા. રચિન રવીન્દ્રે 26 દડામાં
2 ચોક્કા અને 4 છક્કાથી 44 અને ગ્લેન ફિલિપ્સે 13 દડામાં 19 રન કરીને ત્રીજી વિકેટમાં
27 દડામાં પપ રનની ઝડપી ભાગીદારી કરી હતી. પછી ન્યુઝીલેન્ડના કેપ્ટન મિચેલ સેંટનરે
ફિનિશર બની પાવર હિટિંગ કર્યું હતું. સેંટનર ફકત 27 દડામાં 6 ચોક્કા અને 1 છક્કાથી
47 રને અને તેના સાથમાં ઝેક ફોકલ્સ 8 દડામાં 2 ચોક્કા-1 છક્કાથી 1પ રને નોટઆઉટ રહ્યા
હતા. ભારત તરફથી કુલદીપને 3પ રનમાં 2 વિકેટ મળી હતી. અર્શદીપે 4 ઓવરમાં પ3 રન લૂંટાવ્યા
હતા. બાકીના બોલર્સના ફાળે 1-1 વિકેટ રહી હતી. ભારતીય ઇલેવનમાં બુમરાહ અને અક્ષરના
સ્થાને હર્ષિત અને કુલદીપને તક અપાઇ હતી.
