જોકોવિચનો વિમ્બલ્ડનના ત્રીજા રાઉન્ડમાં પ્રવેશ

સિનર અને ગોફની પણ આગેકૂચ

લંડન તા.2: સર્બિયાનો સ્ટાર ટેનિસ ખેલાડી નોવાક જોકોવિચ તેના રેકોર્ડબ્રેક 2પમા ગ્રાંડસ્લેમ ખિતાબની શોધમાં વિમ્બલ્ડનમાં ઉતર્યોં છે. જોકોવિચે ગઇકાલે બીજા રાઉન્ડના મેચમાં ગ્રીસના ખેલાડી સ્ટેફાનેસ સિતસિપાસ સામે 6-3, 6-4 અને 6-2થી જીત મેળવી મેન્સ સિંગલ્સના ત્રીજા રાઉન્ડમાં જગ્યા બનાવી હતી. આ ઉપરાંત વિશ્વ નંબર વન અને વર્તમાન ચેમ્પિયન ઇટાલીના યાનિક સિનરનો પણ ત્રીજા રાઉન્ડમાં પ્રવેશ થયો છે. સિનરે બીજા રાઉન્ડમાં પોર્ટૂગલના નુનો બોર્ગેસને 7-6, 7-6 અને 6-4થી હાર આપી હતી. આ સિવાય ફ્રેંચ ઓપનનો ઉપવિજેતા ખેલાડી ફલાવિયો કોબોલી, 17મા ક્રમનો ફ્રાંસિસ ટિયાફો અને 21મા ક્રમનો ટોમી પોલ પણ ત્રીજા રાઉન્ડમાં પહોંચ્યા છે.

મહિલા વિભાગમાં અમેરિકાની કોકો ગોફનો બીજા રાઉન્ડમાં સોલાના સિયરા સામે 6-3, 3-6 અને 7-6થી વિજય થયો હતો અને ત્રીજા રાઉન્ડમાં જગ્યા બનાવી હતી.