150 વિકેટ પણ પૂરી કરી
નવી દિલ્હી, તા.14ઃ ટીમ ઇન્ડિયાનો સ્ટ્રાઇક બોલર જસપ્રિત બુમરાહ 968 દિવસના
લાંબા અંતરાલ બાદ વન ડે રમવા માટે મેદાનમાં ઉતર્યોં હતો. ઇંગ્લેન્ડ સામેના પ્રથમ વન ડે મેચમાં બુમરાહ બે વર્ષ અને 8 મહિના પછી વન ડે ફોર્મેટમાં પુનરાગમન કર્યું હતું. બુમરાહ ભારત તરફથી આ પહેલા આખરી વન ડે મેચ 19 નવેમ્બર-2023ના રોજ રમ્યો હતો. જે વન ડે વર્લ્ડ કપનો ફાઇનલ મુકાબલો હતો. જેમાં ઓસ્ટ્રેલિયા સામે ભારતીય ટીમની હાર થઇ હતી અને વિશ્વ ખિતાબ ચૂકી ગઇ હતી. બુમરાહના વર્કલોડને બીસીસીઆઇ મેનેજ કરે છે. આ રણનીતિ અનુસાર તેને વારંવાર રેસ્ટ આપવામાં આવે છે. હવે 2027માં ફરી વન ડે વિશ્વ કપ રમાશે. આથી બુમરાહને આ ફોર્મેટમાં ઉતરાવામાં આવી રહ્યો છે.
બુમરાહે વન ડે કેરિયરની 1પ0 વિકેટ પણ આજે પૂરી કરી હતી. તે ઓછા દડામાં 1પ0 વિકેટ લેનારો ભારતનો ત્રીજા નંબરનો બોલર બન્યો હતો. મોહમ્મદ શમીએ 4070 દડામાં
1પ0 વિકેટ પૂરી કરી હતી. બુમરાહે 460પ દડામાં 1પ0 લીધી છે. આ સૂચિમાં બીજા સ્થાને કુલદીપ યાદવ (4પ12 દડા) છે.
