• શનિવાર, 21 નવેમ્બર, 2026

નેપાળ ફક્ત 26 રનમાં ઓલઆઉટ ભારતીય A ટીમનો 306 રને વિક્રમી વિજય

લીસ્ટ A ક્રિકેટનો ચોથો સૌથી ઓછો સ્કોર નેપાળે નોંધાવ્યો: પાંચ ખેલાડી ઝીરોમાં આઉટ

પ્રિંસ યાદવની 5 અને હર્ષિત રાણાની 4 વિકેટ: તિલક અને કુમારની સદી

દોહા તા.20: એશિયા કપ રાઇઝીંગ સ્ટાર્સ વન ડે ટ્રોફીમાં નેપાળ વિરૂધ્ધ ભારતીય એ ટીમનો 306 રને વિક્રમી વિજય થયો છે. ભારત એ ટીમના 9 વિકેટે 332 રનના જવાબમાં નેપાળ ટીમ ફકત 26 રનમાં ઓલઆઉટ થઇ હતી. જે લિસ્ટ એ ક્રિકેટમાં ચોથી સૌથી ઓછો ટીમ ટોટલ સ્કોર છે. પ્રિંસ યાદવ અને હર્ષિત રાણાની કાતિલ બોલિંગ સામે નેપાળ ટીમ માત્ર 11.3 ઓવરમાં ડૂલ થઇ ગઇ હતી. પ્રિંસ યાદવે 6 રનમાં પ અને હર્ષિત રાણાએ 16 રનમાં 4 વિકેટ ઝડપી હતી.

333 રનના વિજય લક્ષ્યનો પીછો કરતા નેપાળ ટીમે 1 રનમાં 4 વિકેટ ગુમાવી દીધી હતી. બાદમાં પૂરી ટીમ 26 રનના મામૂલી સ્કોર પર ઓલઆઉટ થઇ ગઇ હતી. નેપાળનો કોઇ બેટર બે આંકડે પહોંચી શકયો ન હતો. પાંચ ખેલાડી ઝીરોમાં આઉટ થયા હતા.

આ પહેલા ભારત એ ટીમે કુમાર કુશાગ્રના 117 અને કપ્તાન તિલક વર્માના 107 રનની મદદથી 9 વિકેટે 332 રન કર્યાં હતા. અભિષેક શર્મા 9 રને અને વૈભવ સૂર્યવંશી 26 રને આઉટ થયા હતા.

ઇ-પેપરના નવા શુલ્ક