પૂર્વ કોચ સંજય બાંગરના પુત્રે જેન્ડર ચેન્જ કરાવ્યું: આર્યનમાંથી અનાયા

નવી દિલ્હી, તા.11: ટીમ ઇન્ડિયાના પૂર્વ બેટિંગ કોચ સંજય બાંગરના પુત્ર આર્યન જેન્ડર ચેન્જ કરાવીને છોકરામાંથી છોકરી બન્યો છે. જેન્ડર બદલાવ્યા બાદ આર્યન બાંગરે તેનું નામ બદલીને અનાયા બાંગર રાખ્યું છે. તેણે આ જાણકારી સોશિયલ મીડિયા પર એક વીડિયો શેર કરી આપી છે. જે ઝડપીથી વાયરલ થઇ રહ્યો છે. અનાયાએ ઈન્સ્ટાગ્રામ પર પોતાની આ સફરનો ખુલાસો કર્યો છે. તેણે હારમોન રિપ્લેસમેન્ટ થેરાપી (એચઆરટી) વિશે ખુલીને વાત કરી છે. અનાયાએ બતાવ્યું કે તેની સર્જરીને 11 મહિના થઇ ચૂક્યા છે. આ સાથે તેણે સોશિયલ મીડિયા પર કેટલીક તસવીરો પણ શેર કરી છે. જેમાં તે એમએસ ધોની, વિરાટ કોહલી અને પોતાના પિતા સંજય બાંગર સાથે જોવા મળે છે. આર્યન લેફટહેન્ડ બેટ્સમેન હતો. તે ઇસ્લામ જિમખાના સાથે જોડાયેલો હતો. આ ઉપરાંત તે લીસ્ટરશરની હિંકલે ક્રિકેટ કલબ તરફથી પણ

રમતો હતો.