ન્યૂ ચંદિગઢ, તા.8 ઃ રાજસ્થાનના 23 વર્ષીય સ્પિન ઓલરાઉન્ડર માનવ સુથારે પદાર્પણ મેચમાં જ વિક્રમોની હારમાળા રચી છે. અફઘાનિસ્તાન સામેના એકમાત્ર ટેસ્ટના પહેલા દાવમાં 6 અને બીજા દાવમાં 1 વિકેટ લેનાર માનવ સુથાર પ્લેયર ઓફ ધ મેચ બન્યો હતો. માનવ સુથારના શાનદાર દેખાવથી ભારતનો એક દાવ અને 300 રને મહાવિજય થયો હતો.
માનવ સુથાર ટેસ્ટ ડેબ્યૂમાં ફાઇફર (પ વિકેટ) લેનાર 10મો ભારતીય બોલર બન્યો છે. આ ઉપરાંત ડેબ્યૂ ટેસ્ટની એક ઇનિંગમાં 33 રનમાં
6 વિકેટ ઝડપીને માનવ સુથાર આર. અશ્વિનથી આગળ થયો છે. અશ્વિને 2011માં તેના પહેલા ટેસ્ટમાં 47 રનમાં
6 વિકેટ લીધી હતી. માનવથી આગળ નરેન્દ્ર હિરાવણી છે. તેણે 1988માં પોતાના પહેલા ટેસ્ટમાં વિન્ડિઝ સામે પહેલા દાવમાં 61 રનમાં
8 અને બીજા દાવમાં 7પ રનમાં 8 વિકેટ લીધી હતી.
માનવની વિશેષ ઉપલબ્ધિ
પદાર્પણ મેચમાં જ મેન ઓફ ધ મેચ એવોર્ડ જીતનારો માનવ સુથાર ભારતનો નવમો ક્રિકેટર બન્યો છે. અગાઉ આ ઉપલબ્ધિ પ્રવીણ આમરે (1992), આરપી
સિંહ (2006), રવિચંદ્રન
અશ્વિન (2011), શિખર
ધવન (2013), રોહિત
શર્મા (2013), પૃથ્વી
શો (2018), શ્રેયસ
અય્યર (2021), યશસ્વી
જયસ્વાલ (2023) હાંસલ
કરી ચૂક્યા છે.
