શેરબજારમાં
દિવાળી; ટ્રમ્પના સૂરસૂરિયાં સામે સેન્સેક્સમાં બે હજાર અંકની આતશબાજી
ટ્રમ્પના
પરાજયના પડઘારૂપે ક્રૂડતેલ સસ્તું થવા સાથે યુદ્ધના અંતની આશાથી બજારને બળ મળ્યું :
સેન્સેક્સ 79 હજારને પાર, નિફટી 576 આંક ઉછળી
24 હજારને પાર, રોકાણકારોની સંપત્તિમાં 8 લાખ કરોડનો ઉછાળો
મુંબઇ,
તા. 5 : ભારતીય શેરબજારમાં ગુરુવારે ધનતેરસથી પહેલાં દિવાળી ઉજવાઇ હતી. ડી-સ્ટ્રીટમાં
ઉત્સાહભરી તેજીની આતશબાજી થઇ હોય તેમ સેન્સેક્સમાં બે હજારથી વધુ 2009 આંકનો ઉછાળો
આવ્યો હતો, તો નિફટીમાં પણ 576 આંકનો વધારો નોંધાયો હતો. અમેરિકી મધ્યસત્ર ચૂંટણીમસાં
ડોનાલ્ડ ટ્રમ્પના પક્ષના પરાજયના પડઘારૂપે ક્રૂડતેલની કિંમત ઘટવા સાથે પશ્ચિમ એશિયામાં
સંઘર્ષની બળવત્તર બનેલી આશાથી બજારમાં તહેવારો વચ્ચે તેજીનો સંચાર થયો હતો. આ તેજીની
અસરરૂપે રોકાણકારોની સંપત્તિ આઠ લાખ કરોડના
ઉછાળા સામે 500 લાખ કરોડને પાર પહોંચી ગઇ હતી.
શેરબજારમાં
સળંગ છઠ્ઠા દિવસે તેજી આવી છે. ચાલુ વર્ષ દરમ્યાન આ સેન્સેક્સનો બીજો મોટો ઉછાળો
છે. આઠમી એપ્રિલના સેન્સેક્સમાં 2946 આંકનો વધારો આવ્યો હતો.
આમ,
30 શેરના આધારભૂત આંકમાં સાત મહિના બાદ આટલી મોટી તેજી આવી છે.
ધનતેરસના
એક દિવસ પહેલાં વાક્ બારસના દિવસે 2009 આંક એટલે કે 2.60 ટકા વધીને સેન્સેક્સ 79,310
પર બંધ થયો હતો.
બીજી
તરફ નિફટી 576 આંક અર્થાત 2.40 ટકાની તેજી સાથે 24,537ના સ્તર પર બંધ થયો હતો. ચોથી
સપ્ટેમ્બર બાદ નિફટીએ પહેલીવાર 24 હજારને આંકડો પાર કર્યો હતો.
મધ્ય
સત્ર ચૂંટણીમાં ટ્રમ્પના પક્ષની હાર થયા બાદ
ઇરાન યુદ્ધના અંતની આશા વધી છે. યુદ્ધ રોકાતાં કારોબાર સરળ બનશે તેવી આશા સાથે રોકાણકારો
ફરી શેરબજાર તરફ વધ્યા છે.
બજારમાં
ચોમેર જોવા મળેલી ખરીદી વચ્ચે બંને મુખ્ય ઇન્ડેક્સમાં લગાતાર છઠ્ઠા કારોબારી સત્રમાં
તેજી જોવા મળી હતી.
છેલ્લાં
છ કારોબારી સત્રો દરમ્યાન સેન્સેક્સમાં કુલ્લ 5754 આંકનો ઉછાળો નોંધાયો છે. એ જ રીતે
નિફટીમાં આ સમયગાળા દરમ્યાન 1881 આંકની તેજી આવી ચૂકી છે.
ક્રૂડતેલની
કિંમતોમાં ઘટાડો આવતાં રોકાણકારોનો ભરોસો મજબૂત બન્યો છે. એ સિવાય વિદેશી સંસ્થાગત
રોકાણકારો તરફથી પણ ભારતીય શેરબજારમાં ઉત્સાહ ભર્યો રોકાણનો પ્રવાહ જોવા મળ્યો.
અમેરિકી
મધ્યસત્ર ચૂંટણીના પરિણામોના પડઘારૂપે વૈશ્વિક બજારમાં જોરદાર તેજીની સકારાત્મક અસર
ભારતીય શેરબજારમાં પણ જોવા મળી છે.
વૈશ્વિક
બજારો તરફથી મળેલા મજબૂત સંકેતો અને વિદેશી રોકાણકારોની વધેલી ખરીદીએ ઘરેલું બજારને ઊંચે જવામાં મદદ
કરી છે.
બજાર
બંધ રહી ત્યારે લિસ્ટેડ છે તેવા લગભગ 133 શેરોમાં બાવન સપ્તાહની ટોચની તેજી જોવા મળી
હતી. એ સિવાય 2994 શેર મોટા ઉછાળા સાથે ગ્રીન ઝોનમાં બંધ થયા.
ડોલર
નબળો પડવાની આશા સામે પણ વિદેશી રોકાણકારો ભારતની બજાર તરફ વળ્યા હતા. છ દિવસમાં બજારમાં
આઠ ટકા ઉછાળો આવ્યો છે.
