• સોમવાર, 16 નવેમ્બર, 2026

પન્નુની હત્યાનું કાવતરું મેં જ ઘડયું’તું : નિખિલે ગુનો કબૂલ્યો

ક્ષ          અમેરિકન ન્યાયાધીશને પત્ર લખી ગુપ્તાએ માફી માગી

નવી દિલ્હી, તા. 15 : અમેરિકામાં શીખ અલગતાવાદી નેતા ગુરપતવંત સિંહ પન્નુની હત્યાના કાવતરા સાથે સંકળાયેલા કેસમાં પોતાનો ગુનો કબૂલ કરનારા ભારતીય નાગરિક નિખિલ ગુપ્તાએ અમેરિકન ન્યાયાધીશને પત્ર લખી માફી માગી હતી.

એક મીડિયા હેવાલ મુજબ, 20 નવેમ્બરે નિર્ધારિત સજા સંભળાવવાના પહેલાં યુ.એસ. ડિસ્ટ્રિક્ટ જજ વિક્ટર મેરેરોને લખેલા પત્રમાં ગુપ્તાએ પોતાના કૃત્યો બદલ પસ્તાવો વ્યક્ત કર્યો હતો અને જણાવ્યું હતું કે, કાશ તે સમયને પાછો ફેરવી શકતો હોત, તો 2023માં કરેલી ભૂલોને સુધારી શકાઈ હોત.

પોતાના પત્રમાં નિખિલ ગુપ્તાએ ધરપકડ બાદ અનુભવેલી માનસિક અશાંતિ, પરિવારનો સંપર્ક ન કરી શકવાને કારણે થયેલી વ્યથા અને અટકાયતના શરૂઆતના દિવસોમાં આત્મહત્યાના ગંભીર વિચારો આવ્યા હોવાનો પણ ઉલ્લેખ કર્યો હતો અને કોર્ટ જે પણ ચુકાદો આપશે તે સ્વીકાર છે તેમ જણાવ્યું હતું.

ગુપ્તાએ સ્વીકાર્યું હતું કે, 2023ની શરૂઆત સુધીમાં તે એવી સ્થિતિમાં પહોંચી ગયો હતો કે, જ્યાં તે પોતાને પણ ઓળખી શકતો ન હતો. તેણે લખ્યું, ‘મેં મારું માનસિક સંતુલન ગુમાવી દીધું હતું.

ધરપકડ થયા બાદ, તેના માટે સૌથી મોટો પડકાર પરિવારનો સંપર્ક કરવાનો હતો. પત્ની, બાળકો અને માતાને જણાવવા માંગતો હતો કે, તે જીવિત છે. જો કે, યુ.એસ. કાયદાના ઉલ્લંઘનના આરોપી હોવાને કારણે તેના પર લાદવામાં આવેલા પ્રતિબંધોને લીધે તે ઘણા અઠવાડિયા સુધી પોતાના પરિવારનો સંપર્ક કરી શક્યો નહીં.

 

 

 

 

 

ઇ-પેપરના નવા શુલ્ક