રાજકોટ,
તા.8: સૌરાષ્ટ્ર ક્રિકેટ એસોસિયેશનના પ્રમુખ અને પૂર્વ કપ્તાન જયદેવ શાહ પ્રતિષ્ઠિત
બોર્ડર-ગાવસ્કર ટેસ્ટ સિરીઝ દરમિયાન ઓસ્ટ્રેલિયા પ્રવાસમાં ભારતના ટીમ મેનેજર નિયુક્ત
થયા છે. ભારત-ઓસ્ટ્રેલિયા વચ્ચેની પ મેચની ટેસ્ટ શ્રેણીનો 22 નવેમ્બરથી પર્થ ટેસ્ટથી
પ્રારંભ થશે. લગભગ બે મહિનાના ઓસ્ટ્રેલિયા પ્રવાસ દરમિયાન જયદેવ શાહ ટીમ ઇન્ડિયાના
મેનેજર બીસીસીઆઈ તરફથી નિયુકત થયા છે. જયદેવ શાહ એક-બે દિવસમાં ભારતીય ટીમ સાથે ઓસ્ટ્રેલિયા
રવાના થશે. ટીમ ઇન્ડિયા બે જથ્થામાં તા. 10 અને 11મીએ ઓસ્ટ્રેલિયા જવા મુંબઇથી રવાના
થશે.
જયદેવ
શાહ આગઉ પણ માર્ચ 2022માં શ્રીલંકા સામેની હોમ સિરીઝ દરમિયાન ટીમ ઇન્ડિયાના મેનેજર
પદે હતા. નવેમ્બર-2022માં તેઓ ન્યુઝીલેન્ડ પ્રવાસ દરમિયાન ભારતીય ટીમના મેનેજર રહી
ચૂક્યા છે.
