128 રનનો વિજય લક્ષ્યાંક 12.1 ઓવરમાં 2 વિકેટ ગુમાવી હાંસલ કરી લીધો
ગુવાહાટી તા.30: પહેલા બોલરોના શાનદાર દેખાવ બાદ 1પ વર્ષીય વૈભવ સૂર્યવંશીની 1પ દડામાં આતશી અર્ધસદીની મદદથી સીએસકે સામે રાજસ્થાન રોયલ્સનો 8 વિકેટે રોયલ વિજય થયો હતો. 128 રનનો મામૂલી વિજય લક્ષ્યાંક રાજસ્થાને 12.1ઓવરમાં 2 વિકેટે હાંસલ કરી લીધો હતો. વૈભવ સૂર્યવંશીએ 17 દડામાં 4 ચોક્કા-પ છક્કાથી બાવન રન કર્યાં હતા. યશસ્વી 38 રને અને પરાગ 14 રને નોટઆઉટ રહ્યા હતા. જુરેલ 18 રને આઉટ થયો હતો.
રાજસ્થાન રોયલ્સની ઘાતક બોલિંગ સામે ચેન્નાઇ સુપર કિંગ્સની બેટિંગ લાઇન અપ નતમસ્તક થઇ હતી. આઠમા ક્રમના ખેલાડી જેમિ ઓવરટનના લડાયક 43 રનની મદદથી સીએસકે ટીમનો સંપૂર્ણ ધબડકો અટકી ગયો હતો અને 19.4 ઓવરમાં 127 રનનો સામાન્ય સ્કોર થયો હતો. ઓવરટન અંતિમ વિકેટના રૂપમાં આઉટ થયો હતો. તેણે ઇનિંગની સૌથી મોટી 33 રનની ભાગીદારી 10મી વિકેટમાં અંશુલ કમ્બોજ (7)ના સહયોગમાં કરી હતી. ઓવરટન 36 દડામાં 2 ચોક્કા-2 છક્કાથી 43 રને રનઆઉટ થયો હતો. રાજસ્થાન તરફથી જોફ્રા આર્ચર, નાંદ્રે બર્ગર અને રવીન્દ્ર જાડેજાએ 2-2 વિકેટ લીધી હતી.
સીએસકે તરફથી પ્રથમ મેચ રમી રહેલ સેમસન 6 રને બોલ્ડ થયો હતો. કેપ્ટન ગાયકવાડ પણ 6, આયુષ મ્હાત્રે ઝીરો, મેથ્યૂ શોર્ટ 2, સરફરાઝખાન 17, કાર્તિક શર્મા 18 અને શિવમ દૂબે 6 રને આઉટ થયા હતા.
