જુગાર કલબનો સંચાલક વાડી માલિક નાસી ગયો
મોરબી
તા.3: હળવદ તાલુકાના ઘનશ્યામગઢ ગામની સીમમાં આવેલી વાડીમાં જુગારધામ શરૂ થયું હોવાની
બાતમીને આધારે હળવદ પોલીસે દરોડો પાડતા જુગારની મજા માણવા આવેલા 9 આરોપીઓ 7.58 લાખની
રોકડ તેમજ કાર સહિત 9.58 લાખના મુદ્દામાલ સાથે ઝડપાઈ ગયા હતા. જો કે, દરોડા દરમિયાન
જુગાર કલબનો સંચાલક એવો વાડી માલિક હાજર નહિ મળી આવતા પોલીસે દસ આરોપી વિરુદ્ધ જુગારધારા
મુજબ ગુનો નોંધ્યો હતો.
પ્રાપ્ત
વિગતો મુજબ હળવદ તાલુકાના ઘનશ્યામગઢ ગામની સીમમાં આરોપી બચુભાઈ જીવરાજભાઈ સંઘાણીએ પોતાની
વાડીમાં જુગારધામ શરૂ કરી બહારથી માણસો બોલાવી નાલ ઉઘરાવી જુગાર રમાડી રહ્યો હોવાની
બાતમીને આધારે હળવદ પોલીસે દરોડો પાડતા વાડીમાં જુગાર રમી રહેલા આરોપી દિલીપભાઈ ઉર્ફે
અમુ વામજા, શંકરભાઈ લોરીયા, નીતેશભાઈ આદ્રોજા,
કિરીટાસિંહ ઉર્ફે ક્રિપાલાસિંહ ઝાલા, કેશુભાઈ થળોદા, મુકેશભાઈ કૈલા, રણજીતભાઈ ચૌહાણ,
સુરૂભા ચૌહાણ, હરેશભાઈ પરમાર નામના શખ્સો રોકડા રૂપિયા 7,58,500 તેમજ એક કાર કિંમત
રૂપિયા 2 લાખ મળી કુલ રૂપિયા 9,58,500ના મુદ્દામાલ સાથે ઝડપાઈ ગયા હતા. જો કે, દરોડા
દરમિયાન વાડી માલિક અને જુગારધામનો સંચાલક એવો આરોપી બચુભાઈ જીવરાજભાઈ સંઘાણી, રહે.
નવા ઘનશ્યાગઢ વાળો હાજર નહિ મળી આવતા પોલીસે દસેય આરોપીઓ વિરુદ્ધ જુગારધારા મુજબ કાર્યવાહી
કરી હતી.
