3 મેચની
શ્રેણીમાં 1-0થી આગળ : પ્લેયર ઓફ ધ મેચ જેકબ ડફીની 5 વિકેટ
વેલિંગ્ટન,
તા.12: પ્લેયર ઓફ ધ મેચ જેકબ ડફીની બીજી ઇનિંગમાં 38 રનમાં પ વિકેટની મદદથી બીજા ટેસ્ટમાં
વેસ્ટ ઇન્ડિઝ વિરુદ્ધ ન્યુઝીલેન્ડનો 9 વિકેટે વિજય થયો છે. બીજા દાવમ વિન્ડિઝ ટીમ કિવિઝ
બોલિંગ લાઇન અપનો પ્રતિકાર કરી શકી ન હતી અને 46.2 ઓવરમાં 128 રને ઓલઆઉટ થઇ ગઇ હતી.
આથી કિવિઝ ટીમને જીત માટે માત્ર પ6 રનનું લક્ષ્ય મળ્યું હતું જે તેણે 1 વિકેટ ગુમાવીને
હાંસલ કરી લીધું હતું. બીજા ટેસ્ટના વિજયથી ન્યુઝીલેન્ડ 3 મેચની શ્રેણીમાં 1-0થી આગળ
થઇ છે. આઇસીસી વર્લ્ડ ટેસ્ટ ચેમ્પિયનશિપ ચક્રમાં ન્યુઝીલેન્ડનો આ પહેલો વિજય છે અને
સીધી ત્રીજા સ્થાને પહોંચી ગઇ છે. આથી ટીમ ઇન્ડિયાને નુકસાન થયું છે અને 6 નંબર પર
ખસી ગઇ છે.
વેસ્ટ
ઈન્ડિઝ તરફથી બીજા દાવમાં કેવમ હોજે સર્વાધિક 3પ રન કર્યાં હતા. શે હોપ પ રન જ કરી
શક્યો હતો. પ્રથમ ટેસ્ટમાં મેરેથોન ઇનિંગ રમી ટેસ્ટ ડ્રો કરનાર જસ્ટિન ગ્રીવ્સ કમાલ
કરી શકયો ન હતો અને 2પ રને આઉટ થયો હતો. બ્રેંડન કિંગે 22 અને જોન કેંપબેલે 14 રન કર્યાં
હતા. બાકીના કેરેબિયન બેટર્સ ડબલ ફીગરમાં પહોંચી શકયા ન હતા. ડફીની પ વિકેટ ઉપરાંત
માઇકલ રેને 3 વિકેટ મળી હતી.
બાદમાં
કપ્તાન ટોમ લાથમ (9)ની વિકેટ ગુમાવી ન્યુઝીલેન્ડે 1 વિકેટે પ7 રન કરી 9 વિકેટે સરળ
જીત નોંધાવી હતી. કોન્વે 28 અને વિલિયમ્સન 16 રને નોટઆઉટ રહ્યા હતા.
વેસ્ટ
ઇન્ડિઝના પ્રથમ દાવમાં 20પ રનના જવાબમાં ન્યુઝીલેન્ડના બીજા દાવમાં 9 વિકેટે 278 રન
થયા હતા. ઇજાગ્રસ્ત બોલર ટિકનર બેટિંગ કરી શકયો ન હતો.
