કોલંબો, તા.12: બિન અનુભવી ઓમાન ટીમ વિરુદ્ધ 10પ રનની મહાજીત સાથે સહયજમાન શ્રીલંકા ટીમ ટી-20 વર્લ્ડ કપના ગ્રુપ બીમાં ટોચ પર આવી ગયું છે. બે મેચમાં બે જીતથી તેના 4 પોઇન્ટ છે અને નેટ રન રેટ પણ પ્લસ 3.12પ થઈ ગયો છે. આ ગ્રુપની અન્ય બે ટીમ ઓસ્ટ્રેલિયા અને ઝિમ્બાબ્વે એક-એક જીત સાથે બીજા-ત્રીજા નંબર પર છે.
આજના
મેચમાં શ્રીલંકાના પ વિકેટે 22પ રનના જવાબમાં ઓમાન ટીમ 20 ઓવરમાં 9 વિકેટે 120 રન કરી
શકી હતી. આથી શ્રીલંકાનો 10પ રને સરળ વિજય થયો હતો. શ્રીલંકા તરફથી પ્લેયર ઓફ મેચ પવન
રત્નાયકેએ 28 દડામાં 8 ચોક્કા-1 છક્કાથી 60, કુસલ મેન્ડિસે 4પ દડામં 7 ચોક્કાથી 61,
કપ્તાન દાસૂન શનાકાના ફક્ત 20 દડામાં 2 ચોક્કા-પ છક્કાથી આતશી પ0 અને કામિંડુ મેન્ડિસના
અણનમ 19 રન મુખ્ય હતા. શનાકાએ શ્રીલંકા તરફથી સૌથી ઝડપી અર્ધસદી કરી હતી. ઓમાન તરફથી
જિતેન રામાનંદીએ 2 વિકેટ લીધી હતી.
226
રનના ટાર્ગેટ સામે ઓમાને સમયાંતરે વિકેટ ગુમાવી હતી. મોહમ્મદ નદીમે સંપૂર્ણ ધબડકો અટકાવીને
પ6 દડામાં 3 ચોક્કા-1 છક્કાથી પ3 રન બનાવ્યા હતા. આ સિવાય વસીમ અલીના 27 રન હતા. કપ્તાન
જતિંદર સિંઘ સહિતના બાકીના ઓમાન બેટર સીંગલ ફીગરમાં આઉટ થયા હતા. શ્રીલંકા તરફથી દુશ્મંતા
ચમીરા, મહીશ તિક્ષ્ણાએ 2-2 વિકેટ લીધી હતી.
