ઈઈંઈં
દ્વારા સરકારને ફુગાવો કાબૂમાં લાવવા અગત્યનું સૂચન
ઈંધણ
ઉપર એક્સાઇઝ ડયૂટી ઘટાડવા કહ્યું
નવીદિલ્હી,
તા.29 : કન્ફેડરેશન ઓફ ઇન્ડિયન ઇન્ડસ્ટ્રી(સીઆઇઆઇ)એ નાણાકીય વર્ષ 2025-26 માટે તેના
બજેટ સૂચનોમાં તમામ ચીજોની ખપત વધારવા માટે ઇંધણ પરની એક્સાઇઝ ડયુટી ઘટાડવાની ભલામણ
કરી છે. ઉદ્યોગ સંગઠને કહ્યું કે, આ છૂટછાટ વપરાશ વધારવા માટે આપવી જોઈએ, ખાસ કરીને
ઓછી આવકનાં સ્તરે, કારણ કે ઇંધણના ભાવ ફુગાવામાં નોંધપાત્ર વધારો કરે છે. જો આ સૂચનનો
સ્વીકાર કરવામાં આવે તો આમજનતાને પેટ્રોલ-ડીઝલનાં ભાવમાં રાહત મળી શકશે.
બજેટમાં
સરકારને વાર્ષિક 20 લાખ રૂપિયા સુધીની વ્યક્તિગત આવક માટે સીમાંત દર ઘટાડવાનું પણ કહેવામાં
આવ્યું છે. આનાથી વપરાશના ચક્રને વેગ આપવામાં, ઉચ્ચ વૃદ્ધિ અને ઉચ્ચ કર વસૂલાતમાં મદદ
મળશે. સીઆઇઆઇએ પોતાનાં સૂચનોમાં એમ પણ કહ્યું છે કે, વ્યક્તિઓ માટે સૌથી વધુ સીમાંત
દર 42.74 ટકા અને સામાન્ય કોર્પોરેટ ટેક્સ દર 25.17 ટકા વચ્ચેનો તફાવત ઊંચો છે. આવી
સ્થિતિમાં મોંઘવારીએ ઓછી અને મધ્યમ આવક ધરાવતા લોકોની ખરીદ શક્તિમાં ઘટાડો કર્યો છે.
કેન્દ્રીય
એક્સાઇઝ ડયુટી પેટ્રોલની છૂટક કિંમતના લગભગ 21 ટકા અને ડીઝલ માટે 18 ટકા છે. મે,
2022થી આ ડયુટી વૈશ્વિક ક્રૂડ ઓઇલના ભાવમાં લગભગ 40 ટકાના ઘટાડાને અનુરૂપ સંતુલિત કરવામાં
આવી નથી. ઇંધણ પરની એક્સાઇઝ ડયુટી ઘટાડવાથી એકંદર ફુગાવો ઘટાડવામાં અને ખર્ચપાત્ર આવકમાં
વધારો કરવામાં મદદ મળશે. સીઆઇઆઇએ સમયાંતરે ચોક્કસ ચીજવસ્તુઓ અને સેવાઓની માગ વધારવા
માટે ઓછી આવક ધરાવતા જૂથોને લક્ષ્યાંક બનાવતા વપરાશ વાઉચર્સ રજૂ કરવાનું સૂચન કર્યું
હતું. વાઉચર્સ ચોક્કસ માલ અને સેવાઓ પર ખર્ચ માટે આપી શકાય છે અને એક નિશ્ચિત સમયગાળા
માટે માન્ય હોઈ શકે છે.
સીઆઇઆઇના
ડાયરેક્ટર જનરલ ચંદ્રજીત બેનર્જીએ જણાવ્યું હતું કે ભારતની વિકાસ યાત્રામાં સ્થાનિક
વપરાશ ચાવીરૂપ રહ્યો છે પરંતુ ફુગાવાનાં દબાણને કારણે ગ્રાહકોની ખરીદ શક્તિમાં અમુક
અંશે ઘટાડો થયો છે. સરકારી હસ્તક્ષેપ નિકાલજોગ આવક વધારવા અને આર્થિક ગતિ જાળવી રાખવા
પર ધ્યાન કેન્દ્રિત કરી શકે છે.
----------------
અન્ય
સૂચનો
મનરેગા
હેઠળ લઘુતમ વેતન 267 રૂપિયાથી વધારીને 375 રૂપિયા કરવાની ભલામણ કરવામાં આવી છે. ઉદ્યોગ
સંગઠનનું માનવું છે કે આનાથી સરકાર પર 42,000 કરોડ રૂપિયાનો બોજ પડશે.
પીએમ-કિસાન
યોજના હેઠળ વાર્ષિક ચુકવણી 6,000 રૂપિયાથી વધારીને 8,000 રૂપિયા કરવી જોઈએ. જો આ યોજના
હેઠળ 10 કરોડ લાભાર્થીઓ પર વિચાર કરવામાં આવે તો સરકાર પર 20,000 કરોડ રૂપિયાનો વધારાનો
બોજ પડશે.
પ્રધાનમંત્રી
આવાસ યોજના-ગ્રામીણ અને પ્રધાનમંત્રી આવાસ યોજના-શહેરી હેઠળ મકાનોનાં નિર્માણ માટે
મળેલી રકમમાં વધારો કરવાની માગ પણ કરવામાં આવી છે. સંગઠનનું કહેવું છે કે, યોજનાની
શરૂઆતથી જ રકમમાં કોઈ વધારો થયો નથી.
