ધારી, તા.19 : ધારી પોલીસ મથકની
બોલેરો જીપ મોડીરાત્રીના ખોડિયાર માર્કેટ પાસેથી પસાર થતી હતી ત્યારે અચાનક બોલેરો
પીજીવીસીએલના ટીસી સાથે અથડાઈ પલટી ખાઈ ગઈ હતી. આ બનાવના પગલે નજીકમાં મેગા ડિમોલિશનની
કાર્યવાહી ચાલતી હોય ત્યાંથી અધિકારીઓ તથા સ્ટાફ અને સ્થાનિક રહેવાસીઓ દોડી ગયા હતા
અને આ અકસ્માતમાં ઘવાયેલા ચારેક પોલીસ કર્મચારીઓને સારવાર અર્થે હોસ્પિટલમાં ખસેડયા
હતા.
આ બનાવ અંગેની જાણ થતા અન્ય પોલીસ
અધિકારીઓ અને સ્ટાફ દોડી ગયા હતા. બોલેરોમાં સવાર પોલીસ કર્મચારીઓ સૂર બંદોબસ્તમાંથી
પરત આવતા હતા ત્યારે આ અચાનક અકસ્માત સર્જાયો હતો.