પૂર્વ
કર્મચારી સહિત બે સામે ફરિયાદ
જૂનાગઢ,
તા.17: જુનાગઢમાં ઈકાર્ટના વેરહાઉસમાં કામ કરતા બે કર્મચારીઓએ રૂ.4 લાખની કિંમતના
13 મોબાઈલોની ચોરી કર્યાની કંપનીના એનફોર્સમેન્ટ ઓફિસરે ફરિયાદ નેંધાવવા પોલીસે તપાસ
હાથ ધરી છે.
આ અંગેની
વિગત પ્રમાણે મોતીબાગ નજીક આવેલ સેવનસીઝ કોમ્પલેક્ષમાં ઈ-કાર્ટ વેરહાઉસમાં અગાઉ નોકરી
કરતા રોહીત હેમંત રાઠોડએ શોર્ટિંગની ફરજ દરમ્યાન અલગ-અલગ કંપનીના પાંચ મોબાઈલો કિંમત
રૂ.1,70,752ની ચોરી કરી હતી. ઉપરાંત રોહિત રાઠોડ અને આહેદ ગફારએ બે મોબાઈલો કિંમત રૂ.66293ની
ચોરી કરી હતી. આ ઉપરાંત તપાસમાં ખુલે તે સહિતનાઓએ કુલ-13 મોબાઈલો કિંમત રૂ.406302ના
મુદ્દામાલની ચોરી કરી લઈ ગયાની ફરિયાદ નોંધાવતા ‘સી’ ડિવીઝન પોલીસે કંપનીના એનફોર્સમેન્ટ
ઓફિસર મહેશ મોહન રાઠોડની ફરિયાદના આધારે બન્ને સામે ગુનો નોંધી તપાસ હાથ ધરી છે.
