• શુક્રવાર, 23 ફેબ્રુઆરી, 2024

U-19 વર્લ્ડ કપમાં ઓસ્ટ્રેલિયા ચેમ્પિયન: ભારતનું સપનું ફરી રોળાયું 254 રનના વિજય લક્ષ્યાંક સામે ભારતીય યુવા ટીમ 174 રને ઓલઆઉટ

ભારતની સિનિયર ટીમને વન ડે વર્લ્ડ કપમાં હાર આપ્યા બાદ હવે જૂનિયર ટીમને હાર આપી 

બેનોની (દ. આફ્રિકા), તા.11: ઓસ્ટ્રેલિયાએ ફરી એકવાર ભારતનું સપનું ચકનાચૂર કર્યું છે. અન્ડર-19 વર્લ્ડ કપમાં ભારતીય યુવા ટીમને હાર આપીને ઓસ્ટ્રેલિયા ચેમ્પિયન બન્યું છે. અન્ડર-19 વર્લ્ડ કપમાં ઓસ્ટ્રેલિયાની યુવા ટીમ ત્રીજીવાર ચેમ્પિયન બની છે. આ પહેલા કાંગારૂ ટીમે 1988 અને 2010માં ખિતાબ જીત્યા છે. બીજી તરફ ભારતીય યુવા ટીમનું છઠ્ઠીવાર ચેમ્પિયન બનવાનું સપનું રોળાયું છે. ઓસ્ટ્રેલિયાએ ગયા વર્ષના અંતમાં વન ડે વર્લ્ડ કપના ફાઇનલમાં ભારતની સિનિયર ટીમને હાર આપી હતી. એ પહેલા વર્લ્ડ ટેસ્ટ ચેમ્પિયનશિપના ફાઇનલમાં પણ ભારતને હાર આપી ઓસ્ટ્રેલિયા વિજેતા બન્યું હતું. હવે તેણે અન્ડર-19 વર્લ્ડ કપના ફાઇનલમાં ફરી એકવાર ટીમ ઇન્ડિયાને પરાજિત કરી છે. ફાઇનલમાં ઓસ્ટ્રેલિયાના 7 વિકેટે 2પ3 રનના જવાબમાં ભારતીય ટીમ 43.પ ઓવરમાં 174 રને ઓલઆઉટ થઇ હતી. આથી ઓસ્ટ્રેલિયાનો 79 રને વિજય થયો હતો.

2પ4 રનના વિજય લક્ષ્યાંકનો પીછો કરતા ભારતીય યુવા ટીમ દબાણમાં વિખેરાઇ ગઇ હતી. કોઇ બેટર મોટી ઇનિંગ રમી શક્યો ન હતો અને મોટી ભાગીદારી થઇ ન હતી. સૌથી વધુ 47 રન ઓપનર આદર્શ સિંઘે કર્યાં હતા જ્યારે 8મા ક્રમના મુરૂગન અભિષેકે 42 રનની ઇનિંગ રમી હતી. સ્ટાર બેટર મુશીર ખાન 22 રન જ કરી શક્યો હતો. કપ્તાન ઉદય સહારન 8 અને સચિન દાસ 9 રને આઉટ થયા હતા. ઓસ્ટ્રેલિયા તરફથી મેકમિલન અને બિયર્ડમેને 3-3 વિકેટ

લીધી હતી.

આ પહેલા ઓસ્ટ્રેલિયાએ ટોસ જીતીને બેટિંગ પસંદ કરી હતી. જો કે પ્રારંભે જ સેમ કોન્સ્ટાસને ઝીરોમાં આઉટ કરીને રાજ લિંબાનીએ ભારતને પહેલી સફળતા અપાવી હતી. આ પછી હેરી ડિક્સન અને કપ્તાન હયૂ વેબગેન વચ્ચેની બીજી વિકેટની 78 રનની ભાગીદારીથી ઓસ્ટ્રેલિયાની ઇનિંગ સ્થિર થઈ હતી. હેરિ ડિક્સન પ6 દડામાં 3 ચોક્કા-1 છક્કાથી આઉટ થયો હતો જ્યારે કાંગારુ કપ્તાન વેબગેન 66 દડામાં પ ચોક્કાથી આઉટ થયો હતો. આ બન્ને વિકેટ નમન તિવારીએ લીધી હતી.

બાદમાં ભારતીય મૂળના ઓલરાઉન્ડર હરજસ સિંઘે ભારતીય યુવા બોલરોને હંફાવીને 64 દડામાં 3 ચોક્કા અને 3 છક્કાથી પપ રનની આકર્ષક ઇનિંગ રમી હતી. રેયાન હિક્સ 20 રને આઉટ થયો હતો જ્યારે ઓલિવર પિક 43 દડામાં 2 ચોક્કા-1 છક્કાથી 46 રને અણનમ રહ્યો હતો. પાક. સામે સેમિમાં ઓસિ.ને જીત અપાવનાર રેફ મેકમિલાન બે રન જ કરી શક્યો હતો. ચાર્લી એન્ડરસન 13 રને આઉટ થયો હતો. ટોમ સ્ટ્રેકર 8 રને નોટઆઉટ રહ્યો હતો. આથી ઓસ્ટ્રેલિયાના પ0 ઓવરમાં 7 વિકેટે 2પ3 રન થયા હતા.

ભારત તરફથી વડોદરાના અને મૂળ કચ્છના ઝડપી બોલર રાજ લિંબાનીએ 38 રનમાં 3 વિકેટ લીધી હતી. નમન તિવારીને 2 વિકેટ મળી હતી. સૌમ્ય પાંડે  અને મુશીર ખાને 1-1 વિકેટ લીધી હતી.

 

Budget 2024 LIVE

Crime

કોર્ટ કેસ ચાલુ હોવાથી જેલમાં જવું ન પડે માટે વૃદ્ધ વેપારીએ ચીલઝડપ થયાનું રચ્યું’તું તરકટ આર્થિક ભીંસ અને જેલમાં જવું પડે તેવી પરિસ્થિતિ સર્જાતા વેપારીએ ખેલ કર્યો’તો February 23, Fri, 2024