1920થી ઉપયોગ થાય છે ઈમરજન્સી કોડવર્ડનો ઉપયોગ
નવી
દિલ્હી, તા.1ર : લંડન જઈ રહેલી એર ઈન્ડિયાની ફલાઈટ અમદાવાદમાં ક્રેશ થઈ તે પહેલા પાયલોટે
ત્રણવાર મેડે..મેડે..મેડે..કોડવર્ડનો ઉપયોગ કર્યાનું સામે આવ્યું છે જેનો અર્થ થાય
છે કે વિમાન અને મુસાફરોના જીવ જોખમમાં છે. તે એક ઈમરજન્સી સિગ્નલ હતું.
ઉડાન
દરમિયાન ઈમરજન્સીની સ્થિતિ સર્જાય ત્યારે પાયલોટ દ્વારા ખાસ શબ્દ પ્રયોગ કરવાની વ્યવસ્થા
વૈશ્વિક સ્તરે નક્કી કરાઈ છે. પાયલોટ એટીએસ (એર ટ્રાફિક કંટ્રોલ) ને મેડે કોલ આપે એટલે
તુરંત સમજી જવાય કે વિમાન અને મુસાફરો પર જોખમ છે અને પાયલોટ મદદ માગી રહ્યો છે. મેડે
શબ્દનો ઉપયોગ ડિસ્ટ્રેસ કોલમાં કરવામાં આવે છે. વિમાન અને મુસાફરો માટે ઈમરજન્સી મદદ
માગતી વખતે મેડે કોલ આપવામાં આવે છે. પાયલોટને આવી સ્થિતિ માટે તાલિમબદ્ધ કરાયા હોય
છે.
ઈમરજન્સી
વખતે પાયલોટ જો સીધી રીતે જોખમની જાણ કરી દે તો વિમાનમાં અફરાતફરીનો માહોલ સર્જાઈ શકે
છે અને મુસાફરો ભયભીત બની જાય. એટલે ઈમરજન્સીમાં પાયલોટ મેડે શબ્દપ્રયોગ કરે તેવી વ્યવસ્થા
હોય છે.વર્ષ 19ર0થી આ શબ્દના ઉપયોગની શરૂઆત
થઈ છે. લંડનના ક્રોડોન એરપોર્ટ પર રેડિયો ઓફિસર ફ્રેડરિક સ્ટેન્લી મોકફોર્ડે
સૌ પહેલા તેનો ઉપયોગ કર્યો હતો. તેમણે ફ્રેન્ચ શબ્દ મેઈડરને આધારે મેડે શબ્દ બનાવ્યો
હતો.
પાયલટ
સભરવાલને હતો
8200
કલાક ઉડાનનો અનુભવ
અમદાવાદ,
તા.12: અમદાવાદમાં ગોઝારી દુર્ઘટના બની તે વિમાનનાં પાયલટનું નામ સુમિત સભરવાલ છે.
ડીજીસીએનાં હવાલેથી આવતાં અહેવાલો અનુસાર વિમાન કેપ્ટન સુમિત સભરવાલ ઉડાડી રહ્યા હતા.
તેઓ 8200 કલાકનો અનુભવ ધરાવતા એલટીસી હતાં. કો-પાયલટને 1100 કલાકનો ઉડાનનો અનુભવ હતો.
વિમાનનાં બે કેબિન ક્રૂ સદસ્યોની ઓળખ શ્રદ્ધા ધવન અને અપર્ણા મહાદિક તરીકે થઈ છે. જ્યારે
કેબિન ક્રૂનાં અન્ય સદસ્યોમાં સાઈનિતા ચક્રવર્તી, નગનથોઈ કોંગબ્રેલ્પમ કર્મા, દીપક
પાઠક, મૈથિલી પાટિલ, ઈરફાન શેખ, લેમનુનથેમ સિંગસન, રોશની સોંધારે રાજેન્દ્ર અને મનીષા
થાપા હતાં.
