મોટી યોજનાઓ અને મોટી ફાળવણી, ખર્ચ અડધોય નહીં

ઘણી યોજનાઓ પર 40% ખર્ચ : 53માંથી 47 પ્રોજેક્ટ્સમાં બજેટ અંદાજ કરતાં ઓછું

નવી દિલ્હી તા.8 : ચાલુ નાણાકીય વર્ષમાં અત્યાર સુધીમાં સરકારે ઘણી મોટી યોજનાઓ પર તેના બજેટનો માત્ર 40% ખર્ચ કર્યો છે. આશરે 53 મોટી યોજનાઓ માટે રૂ.500 કરોડનું બજેટ ફાળવવામાં આવ્યું હતું. છ યોજનાઓમાં ફાળવેલ બજેટનો બહુ ઓછો ખર્ચ કર્યો છે.

આ યોજનાઓ કેન્દ્ર અને રાજ્ય સરકારો દ્વારા સંયુક્ત રીતે ખર્ચ કરવામાં આવનાર છે. આ યોજનાઓમાં આરોગ્ય અને પરિવાર કલ્યાણ હેઠળ માળખાગત સુધારા, ઇન્દિરા ગાંધી રાષ્ટ્રીય વિધવા પેન્શન યોજના અને અનુસૂચિત જાતિના વિદ્યાર્થીઓ માટે પ્રી-મેટ્રિક શિષ્યવૃત્તિ યોજનાનો સમાવેશ થાય છે. મનરેગા અને અનુસૂચિત જનજાતિના વિદ્યાર્થીઓ માટે મેટ્રિક પછીની શિષ્યવૃત્તિ યોજના પર બજેટનો માત્ર 40% ખર્ચ કરવામાં આવ્યો છે.

કુલ 53 યોજનાઓમાંથી છ યોજનાઓ પર 40 % કરતા ઓછો ખર્ચ કરવામાં આવ્યો છે. ચાર પ્રોજેક્ટ્સમાં 40 થી 50 ટકા ખર્ચ, 15 પ્રોજેક્ટ્સમાં 51 થી 75 ટકા ખર્ચ, 10 પ્રોજેક્ટ્સમાં 90 થી 100 ટકા ખર્ચ અને છ પ્રોજેક્ટ્સમાં 100 ટકા ખર્ચ થયો છે. બાકીના 47 પ્રોજેક્ટ્સ માટે સુધારેલા અંદાજ બજેટ અંદાજ કરતા ઓછા છે. રૂ.850 કરોડના બજેટ ફાળવણી સાથે, પ્રધાનમંત્રી કૃષિ સિંચાઈ યોજનામાં ફક્ત રૂ.150 કરોડ ખર્ચ થયા છે.

આ પ્રોજેક્ટ્સ માટે રૂ.5 લાખ કરોડનું બજેટ જાહેર કરવામાં આવ્યું હતું. 31 ડિસેમ્બર સુધીમાં રૂ.2 લાખ કરોડનું બજેટ બહાર પાડવામાં આવ્યું હતું, જે કુલ બજેટના 41.2 ટકા છે. પ્રધાનમંત્રી કિસાન સન્માન યોજના, પાણી વ્યવસ્થાપન, પીએમ ઈબસ સેવા, ધરતી આબા આદિવાસી ગામ ઉત્કર્ષ અભિયાન,  જળ જીવન મિશન, પ્રાથમિક કૃષિ ધિરાણ મંડળીઓનું કોમ્પ્યુટરાઇઝેશન અને અન્ય ઘણા પ્રોજેક્ટ્સ પર બજેટનો માત્ર 40 ટકા ખર્ચ કરવામાં આવ્યો છે. 6 યોજનાઓ એવી છે જેના માટે માત્ર 10 ટકા બજેટ જારી કરવામાં આવ્યું છે.