રાજકોટ
શહેરે ગત વર્ષે માર્ચમાં 135 કરોડની વીજળી વાપરી, જુલાઈમાં 168.55 કરોડની વીજળીનો કર્યો
ઉપયોગ
જયદીપ
પંડયા
ઉનાળાની
ગરમીથી રાહત મેળવવા એસી, કુલર, પંખાનો ઉપયોગ વધ્યો છે અને આ ત્રણેય ઉપકરણ વીજળીથી ચાલે
છે. ગરમીમાં દિવસે કે રાત્રે વીજ પુરવઠો ખોરવાઈ જાય ત્યારે લોકો અકળાઈ જાય છે અને મોટાભાગે
ઘર-ઓફિસ કે દુકાનોમાં એસી, કુલર, પંખા સતત ચાલતા જોવા મળે છે. આ સ્થિતિ પરથી સહેજે
એમ લાગે કે ઉનાળામાં વીજળીનો વપરાશ વધી જાય છે. આ વાત સાચી પણ છે. આમ છતાં એક આશ્ચર્યજનક
વાત છે કે ઉનાળા કરતા ચોમાસામાં રાજકોટ શહેરનો કુલ વીજ વપરાશ વધી જતો હોય એમ ચોમાસાના
મહિનાઓમાં શહેરનું કુલ વીજ બિલ વધારે આવે છે.
છેલ્લા
ત્રણ વર્ષ 2022, 2023 અને ર024ના ઉનાળાના દિવસો માર્ચ-એપ્રિલ, ચોમાસાના દિવસો જુલાઈ-ઓગસ્ટ
અને શિળાયાના દિવસો ડિસેમ્બર-જાન્યુઆરીના શહેરના કુલ વીજ બિલના આંકડાઓ ઉપરથી આ અંદાજ
કાઢી શકાય છે. પીજીવીસીએલ રાજકોટ સિટી સર્કલના અધિકારી જે બી ઉપાધ્યાયે જણાવ્યું હતું
કે, રાજકોટ શહેરમાં વર્તમાન સ્થિતિએ 6.58 લાખથી વધુ વીજ ગ્રાહકો છે. જેમાં રેસીડેન્સીયલ,
કોમર્સિયલ અને ઈન્ડસ્ટ્રીયલ પ્રકારના વીજ ગ્રાહકો સમાવિષ્ટ છે. ઉલ્લેખનીય છે કે રાજકોટ
શહેરના સીમાડા સતત વધી રહ્યા છે અને નવા નવા વિસ્તારો શહેરમાં ભળી રહ્યા છે. આ સાથે
મોટા એપાર્ટમેન્ટ તેમજ ધંધા-રોજગાર માટે દુકાનો, ઓફિસો અને ઈન્ડસ્ટ્રીનો વધારો થતા
વીજ ગ્રાહકોની સંખ્યા વધી રહી છે સાથોસાથ વીજ વપરાશમાં વધારો થઈ રહ્યો છે. આ કારણે
શહેરનું કુલ વીજ બિલ પણ વધી રહ્યંy છે. છેલ્લા ત્રણ વર્ષમાં જોકે શહેરની વીજ માગમાં
વધારો થયો છે. આ સાથે ત્રણ વર્ષમાં શહેરના વીજ કનેક્શનમાં પણ 72853 નવા વીજ કનેક્શન
ઉમેરાયા છે. રાજકોટ શહેરમાં દર વર્ષે ઉત્તરોતર અંદાજે 25 હજારથી ર8 હજાર જેટલા વીજ
ગ્રાહકોનો વધારો થઈ રહ્યો છે. આ સાથે કુલ વીજ માગ વધીને 1.99865 કિલોવોટ થઈ ગઈ છે.
-------------
માર્ચ
કરતા જુલાઈમાં 30 કરોડ કરતા વધુ રૂપિયાનો વીજ વપરાશ
વર્ષ
2022ના માર્ચ મહિનમાં રાજકોટ શહેરનું કુલ વીજ બિલ 96.57 કરોડ રૂપિયા આવ્યું હતું. જેની
સામે જુલાઈમાં 137.95 કરોડ રૂપિયાનું વીજ બિલ બન્યું હતું. આ જ રીતે વર્ષ 2023માં માર્ચ
મહિનામાં 105.12 કરોડની સામે જુલાઈમાં 153.60 કરોડ અને વર્ષ 2024માં માર્ચ મહિનામાં
135.74 કરોડની સામે જુલાઈમાં 168.55 કરોડનું કુલ વીજ બિલ બન્યું હતું. આમ ઉનાળાના માર્ચ
મહિના કરતા ચોમાસાની ઋતુમાં જુલાઈ મહિનામાં ઓછામા ંઓછા 30 કરોડ રૂપિયાની વધુ વીજળીની
ખપત થાય છે.
