બે અલગ-અલગ મુકાબલામાં બે મુક્કેબાજે અંતિમ શ્વાસ લીધા
ટોક્યો,
તા.10: જાપાનની રાજધાની ટોક્યોના પ્રસિદ્ધ કોરાકુએન હોલમાં બે અલગ-અલગ મુકાબલામાં બે
યુવા મુક્કેબાજના માથામાં ગંભીર ઇજા થવાથી મૃત્યુ થયા છે. આ ઘટનાથી બોક્સિંગ વર્લ્ડમાં
અરેરાટી ફેલાઇ છે અને આ રમતના નિયમ વધુ કડક બનાવવાની માગ ઉઠી છે.
પહેલી
ઘટના 2 ઓગસ્ટે સામે આવી હતી. 28 વર્ષીય મુક્કેબાજ શિગેતોશી કોટારી લાઇટવેટ ખિતાબ માટે
યામાતો હાટા વિરેદ્ધ રિંગમાં 12મા રાઉન્ડમાં લડત આપી રહ્યો હતો. આ મુકાબલો ડ્રોમાં
સમાપ્ત થયો, પણ કોટારી રિંગમાં જ બેભાન થઇ ગયો હતો. હોસ્પિટલમાં તેના મસ્તકમાં સર્જરી
થઇ હતી. જો કે શુક્રવારે તેણે અંતિમ શ્વાસ લીધા.
આ
ઘટનાના ઠીક એક દિવસ પછી 28 વર્ષીય મુક્કેબાજ હિરોમાસા ઉરાકાવા હરીફ બોકસર યોજી સૈતોને
રિંગમાં ટક્કર આપી રહ્યો હતો ત્યારે તેના માથામાં ગંભીર ઇજા થઇ હતી. તેના પર પણ સર્જરી
થઇ હતી, પણ જીવ બચ્યો નહીં.
