ગુરુપૂર્ણિમાના દિવસે થયું 200મું અંગદાન : અમરેલીના વતની બ્રેઈન ડેડ થતાં હૃદય, લીવર, સ્વાદુપિંડ અને કિડનીનું દાન મળ્યું
સિવિલમાં
અત્યાર સુધીમાં 175 લીવર, 364 કિડની, 14 સ્વાદુપિંડ, 14 હૃદય, 6 હાથ, 32 ફેફસા, 21
ચામડીનું દાન મળ્યું
અમદાવાદ,
તા.12 : અમદાવાદ સિવિલ હોસ્પિટલે આદરેલા અંગદાનના સેવાયજ્ઞમાં 200મા અંગદાતા તરફથી
અંગદાન મળ્યું છે. અમરેલીના વતની મહેશભાઇ સોલંકી બ્રેઇનડેડ થતાં પરિવારજનોએ ગુરુપૂર્ણિમાના
દિવસે અંગદાનનો નિર્ણય કર્યો અને 200 અંગદાનનો માઇલસ્ટોન સિવિલ હોસ્પિટલે પાર કરી લીધો
છે. આજદિન સુધીમાં થયેલા કુલ 200 અંગદાન દ્વારા કુલ 657 અંગનું દાન મળ્યું છે, જે થકી 638 લોકોને નવજીવન
પ્રદાન થયું છે, જે સિવિલ હોસ્પિટલ અમદાવાદની યશસ્વી સિદ્ધિ છે.
200મા
અંગદાનની વાત કરીએ તો અમરેલીના રહેવાસી એવા 35 વર્ષીય મહેશભાઇ સોલંકીને 2 જુલાઇના રોજ
બપોરે 3 વાગ્યાની આસપાસ બગસરાથી હુમાપુર ગામે જતાં બોલેરો ગાડીએ ટક્કર મારતાં માથાના
ભાગે ગંભીર ઈજા થઈ હતી. મહેશભાઇને પ્રથમ બગોદરા સિવિલ, ત્યારબાદ અમરેલી સિવિલ અને ભાવનગર
સિવિલમાં સારવાર અર્થે લઇ જવામાં આવ્યાં હતાં. ભાવનગર સિવિલ હોસ્પિટલમાંથી તારીખ 7
જુલાઈના રોજ વધુ સારવાર અર્થે તેઓને રાત્રે 9 વાગ્યે અમદાવાદ સિવિલ હોસ્પિટલ લાવવામાં
આવ્યાં હતાં.
સિવિલ
હોસ્પિટલમાં 48 કલાક કરતાં વધારે સમયની સઘન સારવાર બાદ તારીખ 9 જુલાઈના રોજ ડોક્ટરોએ
મહેશભાઇને બ્રેઈનડેડ જાહેર કર્યા હતા. સિવિલ હોસ્પિટલની અંગદાન ટીમ તેમજ સામાજિક કાર્યકર ભાસ્કર ચાવડા દ્વારા દર્દીના સ્વજનોને બ્રેઇનડેડ
પરિસ્થિતિ અને અંગદાન વિશે સમજાવતાં સિવિલ હોસ્પિટલમાં હાજર પરિવારજનોએ તેમનાં અંગોનું
દાન કરવા સંમતિ આપી હતી.
અમદાવાદ
સિવિલ હોસ્પિટલ સુપ્રીન્ટેન્ડન્ટ ડૉ. રાકેશ જોષીએ જણાવ્યું હતું કે હોસ્પિટલમાં છેલ્લાં
સાડા ચાર વર્ષથી ચાલી રહેલ અંગદાનના આ મહાયજ્ઞમાં આજે એક નોંધપાત્ર સિદ્ધિ હાંસલ થઇ
છે. જેમાં આજદિન સુધીમાં કુલ 200 અંગદાન થયાં
છે. જેના દ્વારા કુલ 657 અંગોનું દાન મળ્યું
છે. જે થકી 638 લોકોને નવજીવન પ્રદાન થયું છે. મહેશભાઇના અંગદાન સાથે સિવિલ હોસ્પિટલમાં
અત્યાર સુધી 175 લીવર, 364 કિડની, 14 સ્વાદાપિંડ, 64 હૃદય, 6 હાથ, 32 ફેફસા, 2 નાના
આંતરડા તથા 21 ચામડીનું દાન મળ્યુ છે.
આંકડામાં
અંગદાન
સિવિલ
હોસ્પિટલ ખાતે અંગદાન કરેલા 200 અંગદાતાઓમાંથી 156 પુરુષ અંગદાતાઓ અને 44 સ્ત્રી અંગદાતાઓ
છે.
200
અંગદાતાઓ પૈકી 176 અંગદાતા ગુજરાતના, 5 ઉત્તરપ્રદેશના, 6 મધ્યપ્રદેશના, 3 બિહારના,
9 રાજસ્થાનના તથા 1 નેપાળના છે.
ગુજરાતના
176 અંગદાતા પૈકી સૌથી વધુ 68 અંગદાતાઓ અમદાવાદના છે.
