આગામી
ત્રણ દિવસ ગુજરાતના વિવિધ ભાગોમાં ભારે પવન ફૂંકાવાની શક્યતા : દરિયાકાંઠા વિસ્તારોમાં
40 કિમીની ઝડપે પવન ફૂંકાવાની સંભાવના
રાજકોટ,
તા.27: ગુજરાત પર હાલમાં પશ્વિમ તથા ઉત્ર-પશ્વિમ દિશા તરફથી પવનો આવી રહ્યા છે, ઠંડા
પવનનો ગુજરાત તરફ આવતાં ગરમીમાં થોડી રાહત મળી છે. આગામી 24 કલાકમાં મહતમ અને લઘુતમ
તાપમાનમાં બેથી ત્રણ ડિગ્રી સેલ્સિયસના ઘટાડાની શક્યતા હવામાન વિભાગે વ્યક્ત કરી છે.
બીજી બાજુ ધોમધખતા તડકા વચ્ચે હવામાન નિષ્ણાત અનુસાર 10 એપ્રિલ સુધીમાં ગુજરાતના વિવિધ
ભાગોમાં ભારે પવન સાથે કમોસમી વરસાદની પડવાની સંભાવના વ્યક્ત કરી છે. જો કે આ બધા વચ્ચે
આજે તાપમાનમાં ઘટાડો નોંધાયો હતો અને મોટાભાગના વિસ્તારમાં આકાશમાં વાદળ છવાયા હતા.
હવામાન
નિષ્ણાતના જણાવ્યું મુજબ આગામી દિવસોમાં ભારે પવનોના તોફાનો, વિન્ડ ગસ્ટ અને લગભગ ઝડપી
પવનો સાથે સાથે વરસાદ પડી શકે છે. ક્યાંક મેઘગર્જના અને ભારે વિન્ડ ગસ્ટ સાથે સમુદ્રકિનારે
ભારે પવન ફૂંકાવાની શખ્યતા રહેશે. એમાં લગભગ 28, 29 અને 30 માર્ચમાં ગુજરાતના વિવિધ
ભાગોમાં ભારે પવનો ફૂંકાશે. સામાન્ય પવન 10થી 15 કિમીની ઝડપે, વિન્ડ ગસ્ટ 35 કિમીની
ઝડપે અને દરિયાકાંઠા વિસ્તારોમાં 40 કિમીની ઝડપે પવન ફૂંકાવાની શક્યતા રહેશે. આ ઉપરાંત
બંગાળની ખાડીમાં સીઝનનું પ્રથમ સાઇક્લોન હળવા પ્રકારનું બનવાની શક્યતા છે, જે વિશાખાપટનમ
આસપાસ આ સાઇક્લોન સામાન્ય વાવાઝોડામાં પરિવર્તિત થશે, જેના ભેજ અને અરબસાગરના ભેજને
કારણે 10મી એપ્રિલ સુધીમાં રાજ્યના વિવિધ ભાગોમાં હવામાનમાં ભારે પલટો આવશે, એમાં દક્ષિણ
ગુજરાતના ભાગો નવસારી, સુરત બાજુના ભાગો. દક્ષિણ-સૌરાષ્ટ્રના ભાગોનો સમાવેશ થશે. આ
ઉપરાંત મધ્ય-ઉત્તર ગુજરાતના કેટલાક ભાગોમાં હવામાનમાં પલટો આવશે. દેશના ઘણા ભાગોમાં
વાતાવરણમાં પલટાની સાથે આંધી-વંટોળ અને પર્વતીય પ્રદેશોમાં મેઘગર્જના સાથે કમોસમી વરસાદ
પડવાની શક્યતા છે.
ઉલ્લેખનીય
છે કે છેલ્લા 24 કલાક દરમિયાન રાજ્યના તમામ જિલ્લાઓનું મહતમ તાપમાન 2થી 3 ડિગ્રી સેલ્સિયસ
સુધી ઘટયું છે. હજુ પણ આગામી 48 કલાક દરમિયાન લઘુતમ તાપમાનમાં બેથી ત્રણ ડિગ્રી સેલ્સિયસનો
ઘટાડો થશે, એટલે કે લઘુતમ અને મહત્તમ તાપમાનમાં ઘટાડો થતાં ગરમીથી રાહત મળશે, જોકે
29 માર્ચ, 2025 બાદ ફરી એક વખત તાપમાનમાં ત્રણ ડિગ્રી સેલ્સિયસ સુધીનો વધારો થતાં ગરમી
અનુભવી પડશે. આ ઉપરાંત દરિયાકાંઠાના વિસ્તારોમાં પણ 29 બાદ ગરમ ભેજયુક્ત પવનને કારણે
બફારાનો અનુભવ થશે.
29
માર્ચ બાદ ફરી તાપમાન વધશે : હવામાન વિભાગ
હવામાન
વિભાગના જણાવ્યા અનુસાર, ગુજરાત પર હાલમાં પશ્ચિમ તથા ઉત્તર-પશ્ચિમ દિશા તરફથી પવનો
આવી રહ્યા છે, જે વેસ્ટર્ન ડિસ્ટર્બન્સને કારણે ઠંડા પ્રદેશમાંથી ઠંડા પવનો ગુજરાત
તરફ લાવી રહ્યા છે, આથી ગુજરાતના મહતમ અને લઘુતમ તાપમાનમાં ઘટાડો નોંધાયો છે, પરંતુ
29 માર્ચ બાદ ફરી એક વખત તાપમાનમાં ત્રણ ડિગ્રી સેલ્સિયસનો વધારો થશે.
