બ્રિસબેન, તા.પ : ટોપ ઓર્ડર બેટર્સના સહિયારા પુરુષાર્થથી ઇંગ્લેન્ડ વિરુદ્ધના બીજા ડે/નાઇટ ટેસ્ટમાં ઓસ્ટ્રેલિયા 44 રને આગળ થયું છે અને મેચ પર પકડ જમાવી રહ્યું છે. એશિઝ સિરીઝના બીજા ટેસ્ટના બીજા દિવસના અંતે ઓસ્ટ્રેલિયાના 6 વિકેટે 378 રન થયા હતા. કોઇ કાંગારુ બેટર સદી નજીક પહોંચી શક્યો ન હતો. જેક વેધરોલ્ડ 72, માર્નસ લાબુશેને 6પ અને ઇનચાર્જ કેપ્ટન સ્ટીવન સ્મિથે 61 રન કરી અર્ધશતક ઇનિંગ રમી હતી. આ પહેલા આજે ઇંગ્લેન્ડનો પ્રથમ દાવ 334 રને સમાપ્ત થયો હતો. સ્ટાર જો રૂટ 138 રને નોટઆઉટ રહ્યો હતો. જોફ્રા આર્ચરે ઉપયોગી 38 રન બનાવી આઉટ થયો હતો.
ઓસ્ટ્રેલિયા
તરફથી ઓપનર ટ્રેવિસ હેડ અને જેક વેધરોલ્ડે સારી શરૂઆત કરી પહેલી વિકેટમાં 77 રનની ભાગીદારી
કરી હતી. હેડ 33 રને આઉટ થયો હતો. વેધરોલ્ડ 78 દડામાં 12 ચોક્કા-1 છક્કાથી 72 રન કર્યા
હતા. લાબુશેને ફોર્મ વાપસી કરી 78 દડામાં 9 ચોક્કા-1 છક્કાથી 6પ અને કેપ્ટન સ્મિથે
8પ દડામાં પ ચોક્કા-2 છક્કાથી 61 રન કર્યા હતા જ્યારે કેમરૂન ગ્રીન 4પ અને એલેક્સ કેરી
46 અણનમ રનનું યોગદાન આપી આઉટ થયા હતા. જોશ ઇંગ્લિશે 23 રને પેવેલિયનમાં પાછો ફર્યો
હતો. માઇકલ નેસર 1પ રને નોટઆઉટ રહ્યો હતો. આથી ઓસ્ટ્રેલિયાના 6 વિકેટે 378 રન થયા હતા
અને ઇંગ્લેન્ડથી 44 રન આગળ થયું હતું.
ઇંગ્લેન્ડ
તરફથી બ્રાયડન કાર્સે 3 અને કપ્તાન બેન સ્ટોક્સે 2 વિકેટ લીધી હતી.
