યૂરો
કપમાં પોર્ટૂગલનો તૂર્કિ સામે 3-0થી વિજય : રોમાનિયા સામે બેલ્જિયમની 2-0થી જીત
કોલોન
(જર્મની) તા.23: મજબૂત બેલ્જિયમ ટીમે સફળ વાપસી કરીને રોમાનિયા સામે 2-0 ગોલથી જીત
મેળવી નોકઆઉટ રાઉન્ડની આશા જીવંત રાખી છે. તો સ્ટાર સ્ટ્રાઇકર ક્રિસ્ટીયાનો રોનાલ્ડોની
ટીમ પોર્ટૂગલે તૂર્કિને 3-0થી સજજડ હાર આપીને રાઉન્ડ-16માં પ્રવેશ કર્યોં છે.
રોમાનિયા
સામેના મેચમાં યૂરી ટાયલેમેંસે ફકત 73 સેકન્ડમાં જ ગોલ કરીને બેલ્જિયમને શરૂઆતમાં જ
1-0ની સરસાઇ અપાવી હતી. જયારે કેવિન ડી બ્રાયને મેચની 80મી મિનિટે ગોલ કરીને બેલ્જિયમની
2-0થી જીત નિશ્ચિત કરી હતી. બેલ્જિયમની રોમાનિયા પરની જીતથી યૂરો કપના ગ્રુપ ઇમાં રોમાંચક
સ્થિતિ ઉભી થઇ છે. તમામ 4 ટીમ 4-4 અંકની બરાબરી પર છે. યૂરો કપના ઇતિહાસમાં બે-બે મેચ
પછી ચારેય ટીમ 4-4 પોઇન્ટની બરાબરી પર હોય. જયારે ગ્રુપ એફના મેચમાં તૂર્કિ વિરૂધ્ધ
3-0થી જીત મેળવી પોર્ટૂગલે નોકઆઉન્ટ રાઉન્ડમાં જગ્યા બનાવી છે. આ મેચમાં રોનાલ્ડો જો
કે કોઇ ગોલ કરી શકયો ન હતો. પોર્ટૂગલ તરફથી 21 અને પ6મી મિનિટે ગોલ થયા હતા. 28મી મિનિટે
તૂર્કિના ખેલાડીએ આત્મઘાતી ગોલ કર્યોં હતો.
