કોચ ગંભીર આજે ટીમ ઇન્ડિયા સાથે ફરી જોડાશે

માતાની બીમારીને લીધે ભારત પરત ફર્યાં હતા

નવી દિલ્હી, તા.16: હેડ કોચ ગૌતમ ગંભીર મંગળવારે ઇંગ્લેન્ડ પહોંચશે અને ટીમ ઇન્ડિયા સાથે ફરી જોડાય જશે. ભારત અને ઇંગ્લેન્ડ વચ્ચેનો પહેલો ટેસ્ટ લીડસમાં શુક્રવારથી શરૂ થઇ રહ્યો છે. માતાને હોસ્પિટલમાં દાખલ કરવામાં આવતા કોચ ગંભીર 11 જૂનના ઇંગ્લેન્ડથી દિલ્હી પરત ફર્યાં હતા. આ દરમિયાન ભારતીય ટીમે ઇન્ડિયા એ વિરુદ્ધ ત્રણ દિવસીય અભ્યાસ મેચ રમ્યો હતો. આથી તેમની અનુપસ્થિતિમાં બેટિંગ કોચ સિંતાશુ કોટક અને બોલિંગ કોચ મોર્ને મોર્કલે જવાબદારી સંભાળી હતી. કોચ ગૌતમ ગંભીરના માતાની તબિયત હવે સારી છે. આથી તેઓ દિલ્હીથી આજે ઇંગ્લેન્ડ જવા રવાના થશે અને મંગળવારે લીડસ પહોંચીને ટીમ ઇન્ડિયા સાથે જોડાય જશે.