નેપાળમાં પૂર્વ વડાપ્રધાન શર્મા ઓલીની ધરપકડ

બાલેને બાગડોર સંભાળ્યાના બીજા દિવસે જ જેન-ઝી આંદોલન મામલામાં કાર્યવાહી

કાઠમંડુ, તા. 28 : બાલેન શાહ વડાપ્રધાન બન્યા પછી તરત બીજા દિવસે જ પૂર્વ વડાપ્રધાન કે.પી. શર્મા ઓલી અને પૂર્વ ગૃહમંત્રી રમેશ લેખકની પોલીસે શનિવારે સવારે ધરપકડ કરી લીધી હતી.

આ કાર્યવાહી વીતેલાં વર્ષે થયેલાં જેન-જી આંદોલનના મામલામાં થઈ છે. ઓલીને ભક્તપુરના ગુંડ્ડુ સ્થિત તેમના ઘરમાંથી અને રમેશ સવારે પાંચ વાગ્યે સૂર્યવિનાયકથી પકડાયો હતો. ગૃહ મંત્રાલયની ફરિયાદ બાદ શરૂ થયેલી તપાસના આધાર પર આ ધરપકડ કરાઈ હતી.        તપાસપંચે સૂચન કર્યું હતું કે, બન્ને નેતા પર બેદરકારીનો કેસ કરવો જોઈએ.

આ મામલામાં 10 વર્ષ સુધીની સજા થઈ શકે છે, અહેવાલમાં અનેક મોટા અધિકારી સામે કાર્યવાહીની વાત પણ કરાઈ છે.