-કટ્ટરવાદીઓને જવાબ આપ્યો
નવી
દિલ્હી તા. 10: ચેમ્પિયન્સ ટ્રોફી મેચ દરમિયાન પવિત્ર રમઝાન માસ દરમિયાન રોઝા ન પાળી
શકનાર ટીમ ઇન્ડિયાનો ઝડપી બોલર મોહમ્મદ શમી વિનાકારણ કટ્ટરવાદીઓના નિશાન પર આવ્યો હતે.
બરેલવીના મૌલાનાએ રોઝા ન પાળવા માટે શમીને ગુનેગાર ગણાવ્યો હતો. હવે શમીએ આ કટ્ટરવાદીઓને
પોતાની રીતે જવાબ આપ્યો છે. ચેમ્પિયન્સ ટ્રોફીમાં ચેમ્પિયન્સ થનાર ટીમ ઇન્ડિયાએ ટ્રોફી
વિતરણ બાદ સ્ટેજ પર જ શેમ્પેઇનની છોળો ઉડાડી જીતની ખુશી મનાવી હતી. અસલમાં ભારતીય કપ્તાન
રોહિત શર્માએ ટ્રોફીની સાથોસાથ ઇનામી રકમનો ચેક અને શેમ્પઇનની બોટલ ભેટમાં મળી હતી.
આ પછી ખેલાડીઓએ શેમ્પેઇનની બોટલ ખોલી હતી. ત્યારે શમી ટીમથી થોડા અંતરે દૂર થયો હતો.
રમઝાન માસ અને પોતાના મુસ્લિમ ધર્મ પર સન્માન દર્શાવતા શમી આ પ્રકારની ઉજવણીથી દૂર
રહ્યો હતે. શમીની આ મામલે લોકો પ્રશંસા કરી રહ્યા છે. ઉજવણીથી દૂર રહેવાનો શમીનો વીડિયો
સોશિયલ મીડિયા પર ઝડપથી વાઇરલ થયો છે.
