આરોગ્ય સેવાઓ માટે રૂ.1,04,599 કરોડનું જંગી બજેટ
નવી
દિલ્હી, તા.1 : કેન્દ્રીય બજેટમાં આરોગ્ય સેવાઓ માટે રૂ.1,04,599 કરોડનું જંગી બજેટ
ફાળવવામાં આવ્યું છે. સરકારે આરોગ્યને ટોચની પ્રાથમિકતાઓમાંની એક જાહેર કરી છે.
કેન્સરની
સારવારને સસ્તી બનાવવા પર ભાર મૂકી 17 આવશ્યક કેન્સર દવાઓની મૂળભૂત કસ્ટમ ડયુટી સંપૂર્ણપણે
દૂર કરવામાં આવી છે. સાત અન્ય દુર્લભ રોગોની દવાઓ પર આયાત ડયુટીમાં મુક્તિ આપવામાં
આવી છે.
તબીબી
પર્યટનને પ્રોત્સાહન આપવા માટે પાંચ પ્રાદેશિક તબીબી કેન્દ્રો સ્થાપિત કરવામાં આવશે.
આ કેન્દ્રોના વિકાસમાં ખાનગી ક્ષેત્ર ભાગ લેશે. આરોગ્ય સંભાળ સંકુલમાં આયુષ કેન્દ્રો,
નિદાન કેન્દ્રો અને સારવાર પછીની સંભાળ કેન્દ્રોનો સમાવેશ થશે.
સરકારે
બાયોફાર્મા શક્તિ યોજનાની જાહેરાત કરી છે જે આગામી પાંચ વર્ષમાં રૂ.10,000 કરોડનું
રોકાણ કરશે. તેનો ઉદ્દેશ્ય કેન્સર અને ડાયાબિટીસ જેવા રોગો માટે જૈવિક દવાઓનું સ્થાનિક
ઉત્પાદન વધારવાનો છે. ક્લિનિકલ ટ્રાયલનું નેટવર્ક બનાવવામાં આવશે અને સંસ્થાઓને અપગ્રેડ
કરવામાં આવશે.
2.5
લાખ યુવાનને નોકરીઓ : આરોગ્ય ક્ષેત્રે રોજગાર વધારવા પાંચ વર્ષમાં 1,00,000 સાથી આરોગ્ય
વ્યાવસાયિકોને તાલીમ આપવામાં આવશે. 1.5 લાખ સંભાળ રાખનારાઓને તાલીમ આપવામાં આવશે.(ખાસ
કરીને વૃદ્ધો માટે) રેડિયોલોજી અને એનેસ્થેસિયામાં શિક્ષણ આપતી સંસ્થાઓમાં સુધારો કરવામાં
આવશે.
3 નવી
આયુર્વેદ સંસ્થાઓ : પરંપરાગત તબીબી પદ્ધતિઓને પ્રોત્સાહન આપવા ત્રણ નવાં ઓલ ઇન્ડિયા
આયુર્વેદ સંસ્થાન ખોલવામાં આવશે. વિશ્વભરમાં યોગ અને આયુર્વેદને પ્રોત્સાહન આપવા માટે
કાર્ય કરવામાં આવશે. જામનગરમાં ડબલ્યુએચઓના ગ્લોબલ સેન્ટરને વધુ મજબૂત બનાવવામાં આવશે.
