ફાઇનલમાં
કચ્છ જિલ્લા ટીમ સામે વિજય
રાજકોટ,
તા.7 : સૌરાષ્ટ્ર ક્રિકેટ એસોસિયેશન આયોજિત અન્ડર-14 મલ્ટી ડે ટૂર્નામેન્ટના ફાઇનલમાં
કચ્છ જિલ્લાની ટીમ વિરુદ્ધ રાજકોટ જિલ્લાની ટીમ પહેલા દાવની સરસાઈના આધારે વિજેતા થઈ
ચેમ્પિયન બની છે. રાજકોટ જિલ્લા ટીમ 83.2 ઓવરમાં 268 રને ઓલઆઉટ થઈ હતી. આ પછી કચ્છ
જિલ્લા ટીમ 213 રને ઓલઆઉટ થઇ હતી. બીજા દાવમાં રાજકોટ જિલ્લા ટીમના 223 રન થયા હતા.
બીજા દાવમાં કચ્છના 4 વિકેટે 106 રન થયા હતા અને મેચ ડ્રો રહ્યો હતો. રાજકોટ જિલ્લા
ટીમને પહેલા દાવમાં સરસાઇ મળી હતી. આથી તે અન્ડર-14 ટૂર્નામેન્ટમાં ચેમ્પિયન બની હતી.
એસસીએના સેક્રેટરી હિમાંશુ શાહના હસ્તે ટ્રોફી વિતરણ થયું હતું.
