મલેશિયા ટીમ ફક્ત 31 રનમાં ડૂલ
કુઆલાલ્મપુર,
તા.21: સ્પિનર વૈષ્ણવી શર્માને હેટ્રિક સહિત પ વિકેટની મદદથી ભારતે અન્ડર-19 મહિલા
ટી-20 વિશ્વ કપના બીજા મેચમાં યજમાન દેશ મલેશિયા વિરુદ્ધ 17 દડમાં લક્ષ્ય હાંસલ કરીને
10 વિકેટે જબરદસ્ત જીત મેળવી હતી. વૈષ્ણવીએ ચાર ઓવરમાં માત્ર પ રન આપી પ વિકેટ ઝડપી
હતી. તેણીએ આ દરમિયાન ઉપરાઉપરી 3 દડામાં 3 વિકેટ ઝડપી હેટ્રિક રચી હતી જ્યારે આયુષી
શુક્લાએ 8 રનમાં 3 વિકેટ ઝડપી હતી. વૈષ્ણવી-આયુષીની સ્પિન જાળમાં ફસાઈને મલેશિયા ટીમ
14.3 ઓવરમાં માત્ર 31 રનમાં ઢેર થઈ ગઈ હતી. જેમાં સૌથી વધુ 11 રન મિ. એક્સ્ટ્રાના હતા.
મલેશિયાની કોઈ બેટર ડબલ ફીગરમાં પહોંચી ન હતી. ચાર બેટર ઝીરોમાં આઉટ થઈ હતી.
બાદમાં
ભારતીય યુવા મહિલા ટીમે 2.પ ઓવરમાં વિના વિકેટે 32 રન કરી 10 વિકેટે શાનદાર વિજય હાંસલ
કર્યો હતો. જી તૃષા 12 દડામાં પ ચોક્કાથી 27 રને અને જી. કમાલિની 4 રને નોટઆઉટ રહ્યા
હતા. અન્ડર-19 મહિલા ટી-20 વિશ્વ કપના ગ્રુપ એમાં ભારતનો હવે પછીનો ત્રીજો અને આખરી
ગ્રુપ સ્ટેજનો મેચ શ્રીલંકા સામે ગુરૂવારે રમાશે. ભારતે પહેલા મેચમાં વેસ્ટ ઇન્ડિઝને
9 વિકેટે હાર આપી હતી.
