સ્વિત્ઝરલેન્ડ
72 વર્ષ બાદ કવાર્ટર ફાઇનલમાં : કોલંબયા સામે પેનલ્ટી શૂટઆઉટમાં 4-3થી જીત
દિલધડક
અને વિવાદાસ્પદ મેચમાં ઈજીપ્ત સામે આર્જેન્ટિનાનો 3-2થી યાદગાર વિજય
ન્યૂયોર્ક,
તા.8: ફૂટબોલ વર્લ્ડ કપ-2026ના કવાર્ટર ફાઇનલની 8 ટીમ ફિક્સ થઇ ચૂકી છે. ગઇકાલે રાઉન્ડ-16ના
આખરી બે મેચ રમાયા હતા. જેમાં ઇજીપ્ત સામે ચેમ્પિયન ટીમ આર્જેન્ટિનાનો 3-2 ગોલથી દિલધડક
વિજય થયો હતો. જ્યારે સ્વિત્ઝરલેન્ડ ટીમે 72 વર્ષ બાદ ફીફા વર્લ્ડ કપના કવાર્ટર ફાઇનલમાં
જગ્યા બનાવી હતી. તેણે રસાકસી બાદ પેનલ્ટી શૂટઆઉટમાં કોલંબિયા વિરુદ્ધ 4-3 ગોલથી યાદગાર
વિજય હાંસલ કર્યો હતો.
આર્જેન્ટિના
અને ઈજીપ્ત વચ્ચેનો મેચ વિશ્વ કપ ઇતિહાસનો સૌથી રોમાંચક અને વિવાદાસ્પદ પૈકિનો એક બની
રહ્યો હતો. મેચની 79મી મિનિટ સુધી 0-2થી પાછળ રહ્યા બાદ આર્જેન્ટિનાએ પછીની 13 મિનિટમાં
ત્રણ ગોલ કરી ઇજીપ્ત પાસેથી વિજય છીનવી કવાર્ટર ફાઇનલમાં જગ્યા બનાવી હતી. મેસ્સીએ
એક ગોલ કર્યો હતો અને ટૂર્નામેન્ટમાં 8 ગોલ સાથે ગોલ્ડન બૂટની રેસમાં ટોચ પર પહોંચ્યો
હતો. જ્યારે કોલંબિયા-સ્વિત્ઝરલેન્ડ વચ્ચેનો
મેચ નિર્ધારિત અને વધારાના સમયમાં 0-0ની બરાબરી પર રહ્યો હતો. બાદમાં પેનલ્ટી શૂટઆઉટમાં
સ્વિસ ટીમે 4-3 ગોલથી બાજી મારી હતી. આ સાથે સ્વિસ ટીમ 19પ4 બાદ પહેલીવાર કવાર્ટર ફાઇનલમાં
પ્રવેશી છે.
કવાર્ટર
ફાઇનલ શેડયૂલ
મુકાબલો તારીખ ભારતીય
સમય સ્થળ
મોરક્કો
વિ. ફ્રાંસ 10 જુલાઇ 1-30 બોસ્ટન
સ્ટેડિયમ
સ્પેન
વિ. બેલ્જિયમ 11 જુલાઇ 12-30 એલએ
સ્ટેડિયમ
નોર્વે
વિ. ઇંગ્લેન્ડ 12 જુલાઇ 2-30 મિયામી
સ્ટેડિયમ
આર્જેન્ટિના
વિ. સ્વિત્ઝરલેન્ડ 12 જુલાઇ 6-30 કેનસસ
સ્ટેડિયમ
(નોંધ:
પહેલા ત્રણ મેચનો સમય રાત્રીનો અને છેલ્લા મેચનો સમય સવારનો છે.)
